कोरोना आणि लॉकडाऊनमुळे अनेक जण बेरोजगार झाले आहेत. काही जणांचा पगार कापला जात आहे. अशाच आपण सोशल मीडियावर पैसे दुप्पट करण्याच्या जाहीराला बळी पडतो आणि मग आपण पैसे दुप्पट होण्यासाठी तो App डाऊनलोड करतो. मग त्यावर अंधळा विश्वास ठेवून त्यामध्ये पैसे गुंतवतो आणि तेच महागात पडते. अशीच घटना उत्तराखंडमध्ये घडली आहे. उत्तराखंड पोलिसांनी हा मोठा घोटाळा उघडकीस आणला आहे. नोएडाच्या एका आरोपीने २५० कोटींची फसवणूक केल्याप्रकरणी अटक केली आहे.
चीनच्या स्टार्टअप योजनेंतर्गत बनविलेल्या अ‍ॅपद्वारे फसवणूक केली गेली. देशातील जवळपास ५० लाख लोकांनी हा App डाऊनलोड केला आहे. या Appच्या माध्यमातून लोकांनी १५ दिवसांत पैसे दुप्पट होण्याचे आमिष दाखवले होते. आरोपीने पहिल्यांदा लोकांना पैसे दुप्पट करण्यासाठी पॉवर बँक Appला डाऊनलोड करण्यासाठी सांगितले आणि लोकांनी त्यामध्ये पैसे गुंतवले.
जेव्हा एका हरिद्वारच्या रहिवाशाने पोलिसांना सांगितले की, एका पावर बँक Appद्वारे पैसे दुप्पट करण्यासाठी दोनदा ९३ हजार आणि ७२ हजार जमा केले होते. हे १५ दिवसात डबल होईल, असे सांगितले होते. परंतु असे झाले नाही. त्यानंतर पोलिसात तक्रार दाखल केली आणि आता पोलिसांनी गुन्हा दाखल केला असून झाडाझडती सुरू केली आहे.
पोलिसांच्या तपासात समोर आले की, वेगवेगळ्या खात्यावरून पैसे ट्रान्सपर झाले होते. २५० कोटींची फसवणूक झाली होती. उत्तराखंड एसटीएफचे एसएसपी अजय सिंह म्हणाले की, पोलिसांच्या तपासात एक मोठी बाब समोर आली की, फसवणूक करणारा परदेशी गुंतवणूकद्वारे भारतीय व्यावसायिकांना कमीशनचे आमिष दाखवून एका Appच्या माध्यमातून लोकांना कर्ज देण्याविषयी बोलत असे. पण त्यानंतर यात बदल करून लोकांना पैसे दुप्पट करण्याचे आमिष दाखवून पैसे भरण्यास सुरुवात झाली. उत्तराखंड एसटीएफच्या झाडाझडतीनंतर नोएडाचा एक आरोपी पवन पांडेयला अटक केली. आरोपीच्या जवळून १९ लॅपटॉप, ५९२ सिम कार्ड, ५ मोबाईल फोन, ४ एटीएम कार्ड आणि १ पासपोर्ट जप्त केली. फसवणूक केलेल्यांचे पैसे क्रिप्टो करेंसीमध्ये बदलून परदेशात पाठवले होते. ज्या परदेशीची लोकांचे नाव समोर आले आहे, त्यांच्या दूतावासांशी संपर्क करून त्यांच्या माहितीची मागणी केली आहे. याप्रकरणी आतापर्यंत उत्तराखंडमध्ये २ आणि बंळगुरूमध्ये १ गुन्हा दाखल झाला आहे.
