संग्राम सत्तेचा वृत्तसेवा
ऑनलाईन नेटवर्क
अहमदनगर ः दरोड्याच्या तयारीतील 11 सराईत आरोपींना पोलिसांनी पकडून दरोडा व एटीएम चोरीचे गुन्हे उघडकीस आणले आहेत. या कारवाईत 8 लाख 53 हजार 810 रुपये किंमतीचे मुद्देमाल जप्त करण्याची कामगिरी अहमदनगर एलसीबी टिमने केली आहे.
राहुल किशोर भालेराव (वय 23, रा. वडाळा महादेव, श्रीरामपूर), संतोष सुखराम मौर्या (वय 50, रा. गजल हॉटेलसमोर नेवासा,रोड श्रीरामपूर, मुळ रा. लोथा, पो. लंम्भुऑ, जिल्हा फत्तेपुर, उत्तरप्रदेश), सागर विश्वनाथ पालवे (वय 27, रा. गजानन कॉलनी, अहमदनगर, मुळ रा. मेहेकरी, ता. नगर) , बबलु उर्फ दानिश शौकत शेख (वय 24, रा. वार्ड नं.1, श्रीरामपूर, ता. श्रीरामपूर), आदिनाथ सुरेश इलग (वय 26, रा. मोरे चिंचोरे, ता. नेवासा), रितेश सुरेश दवडे (वय 21, रा. सानेगुरुजी वसाहत, कोल्हापूर), दिपक महादेव साळवे (वय 30, रा. मोरे चिंचोरे, ता. नेवासा), रमेश भाऊसाहेब वाकडे वय 23, रा. भोकर, ता. श्रीरामपूर), प्रितमसिंह जगदिपसिंह ज्युनी (वय 23, रा. बालका हायस्कुलजवळ, वार्ड नं.3 श्रीरामपूर), मिलींद मोहन सोनवणे (वय29, रा. हरेगांव, ता. श्रीरामपूर), अविनाश कारभारी विधाते (वय 27, रा. म्हसोबानगर, घुलेवाडी, संगमनेर, ता. संगमनेर) अशी पकडण्यात आलेल्यांची नावे आहेत.
वरिष्ठांच्या आदेशानुसार एलसीबी पोनि दिनेश आहेर यांनी दिलेल्या सूचनेनुसार पोसई तुषार धाकराव, सोपान गोरे, मनोजर शेजवळ, सफौ बाळासाहेब मुळीक, पोहेकॉ दत्तात्रय गव्हाणे, मनोहर गोसावी, अतुल लोटके, देवेंद्र शेलार, पोना रविंद्र कर्डीले, सचिन अडबल, विशाल दळवी, विजय ठोंबरे, संतोष खैरे, फुरकान शेख, पोकॉ रणजित जाधव, रोहित मिसाळ, भाऊसाहेब काळे, अमोल कोतकर, मेघराज कोल्हे, प्रशांत राठोड, चापोहेकॉ संभाजी कोतकर, अर्जुन बडे, चापोकॉ अरुण मोरे आदींच्या टिमने ही कारवाई केली.
याबाबत समजलेली माहिती अशी की, वरिष्ठांनी पोलिस अधिकार्यांनी दिलेल्या आदेशानुसार आरोपींची माहिती काढत असताना पोनि श्री.आहेर यांना माहिती मिळाली की, दि. 3 नोव्हेेंबर 2023 रोजी रात्री राहुरी ते अहमदनगर जाणारे रोडवरील शनिशिंगणापूर फाटा या ठिकाणी 10 ते 15 जण कोठे तरी दरोडा घालण्याचे तयारीत अंधारात थांबलेले आहेत, अशी माहिती मिळाल्याने पोनि श्री. आहेर यांनी प्राप्त माहिती तपासी एलसीबी टिमला दिली. एलसीबी टिमने माहिती ठिकाणी जाऊन शनिशिंगणापुरकडे जाणारे रोडलगत जाऊन खात्री करता तेथे टपरीचे आडोशाला अंधारात काहीजण बसलेले दिसले व टपरीजवळ 2 कार, 2 दुचाकी, पैकी एका दुचाकीजवळ तिघे उभे असल्याचे दिसले. त्या ठिकाणी अचानक छापा टाकला असता एकाने दुचाकी चालू करुन त्यावर तिघे बसून भरधाव वेगात निघून गेले. अंधारामध्ये बसलेले उर्वरित पळण्याचे तयारीत असताना त्यांना योग्य त्या बळाचा वापर करुन ताब्यात घेऊन त्यांना त्या ठिकाणी थांबण्याचे कारणाबाबत विचारपूस करता त्यांनी काहीएक समाधानकारक उत्तरे दिली नाही. ताब्यात घेतलेल्या संशयीतांना त्यांची नावे गांवे विचारता त्यांनी त्यांची नावे सांगितली. तसेच ताब्यातील संशयीतांना पळून गेलेल्या इसमांची नावे विचारले असता त्यांनी त्यांची नावे दादा खंडु गांगुर्डे रा. कात्रड, ता. राहुरी (फरार), शिवाजी मिठु शिंदे (रा. कात्रड, ता. राहुरी (फरार), संतोष शेषराव निकम (रा.कात्रड, ता. राहुरी (फरार) असे असल्याचे सांगितले.
ताब्यात घेतलेल्या संशयीतांची अंगझडती घेता त्यांचे अंगझडतीमध्ये व कब्जात एक गावठी कट्टा, 6 जिवंत काडतुस, तलवार,2 सुरे, चाकू, लोखंडी पाईप, लाकडी दांडके, मिरचीपुड, स्विफ्टकार, अल्टोकार, युनिकॉन दुचाकी, 15 ग्रॅम वजनाचे सोन्याचे दागिने, गॅसटाकी, गॅस कटर, ऑक्सिजन सिलेंडर, रोख रक्कम, 9 विविध कंपनीचे मोबाईल फोन असा एकुण 8 लाख 53 हजार 810 रुपये किंमतीचा मुद्देमाल मिळून आल्याने त्याच्याविरुध्द राहुरी पोलीस स्टेशन ठाण्यात गु.र.नं. 1243/2023 भादविक 399, 402 सह आर्म ऍक़्ट 3/25 व 4/25 प्रमाणे दरोडा तयारीचा गुन्हा दाखल करण्यात आला आहे.
ताब्यात घेतलेल्या संशयीताकडे वरील मिळुन आलेल्या मुद्देमालाबाबत सखोल व बारकाईने विचारपुस करता त्यांनी अहमदनगर जिल्ह्यात विविध ठिकाणी गुन्हे केल्याची कबुली दिल्याने जबरी चोरी, एटीएम चोरीचा प्रयत्न व मंदीर चोरीचे एकुण 9 गुन्हे उघडकीस आले आहेत.तालुका98/14 भादविक 399, 402 सह आर्म ऍक़्ट 4/25
एसपी राकेश ओला साहेब, श्रीरामपूर अपर पोलीस अधिक्षक श्रीमती. स्वाती भोर मॅडम व श्रीरामपूर डिवायएसपी डॉ.बसवराज शिवपुजे यांचे सूचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.
