अहमदनगर शहरात दोन मंडळाचे कार्यकर्ते भिडले,परस्पर विरोधी गुन्हा दाखल
संग्राम सत्तेचा वृत्तसेवा
Online Natwork
अहमदनगर :अश्लील गाणी वाजवण्यावरून मंगलगेट परिसरातील दाणे डाबरा येथे दोन गणपती मंडळाच्या कार्यकर्त्यांमध्ये बुधवारी रात्री हाणामारी झाल्याची घटना घडली. दरम्यान, घटनेची माहिती मिळताच तोफखाना पोलिसांनी घटनास्थळी धाव घेतली. तोफखाना पोलीस ठाण्यात परस्परविरोधी फिर्यादीवरून दोन्ही गटाच्या ३५ ते ४० जणांवर गुन्हा दाखल झाला आहे.
मंगलगेट येथील वर्चस्व ग्रुपच्या गणेश मंडळाचे अध्यक्ष सागर राजू मुर्तोडकर (रा. वंजार गल्ली, नगर) यांनी दिलेल्या फिर्यादीवरून रंजित तरुण मंडळाचे सचिन तुकाराम जाधव, प्रशांत ऊर्फ रॅनबो काळे, वैभव काळे, सुरज काळे, सचिन राऊत, महेश बेद्रे, रोहीत पाथरकर व इतर १० ते १२ यांच्या विरोधात गुन्हा दाखल करण्यात आला आहे.
रंजीत तरुण मंडळाचे अध्यक्ष प्रशांत बापू काळे (रा. मंगलगेट, नगर) यांनी दिलेल्या फिर्यादीवरून सागर मुर्तोडकर, सनी ऊर्फ श्रीकांत मुर्तोडकर, प्रथमेश थोरात, भैया थोरात, विठ्ठल उप्पळकर, सुमित सुरसे, अमित सुरसे, ललीत चवालीया व इतर १० ते १५ जणांवर गुन्हा दाखल करण्यात आला आहे.
