संग्राम सत्तेचा वृत्तसेवा
Online Natwork
अ.नगर एलसीबी : हद्दपार आदेशाचे उल्लंघन करणारा अटक
Nagar Reporter
अहमदनगर : जिल्ह्यातून हद्दपार केले तरी, आदेशाचे उल्लंघन करून अहमदनगरला मजेत राहणा-या सराईत गुन्हेगाराला निलक्रांती चौक, दिल्लीगेट या परिसरातून जेरबंद करण्याची कारवाई अहमदनगर एलसीबी टिम’ने केली आहे. गौरव राजेंद्र गायकवाड (रा. निलक्रांती चौक, दिल्लीगेट जवळ, अहमदनगर ) असे पकडण्यात आलेल्याचे नाव आहे.
एसपी राकेश ओला, अपर पोलीस अधीक्षक प्रशांत खैरे, नगर शहर डिवायएसपी अनिल कातकाडे यांच्या मार्गदर्शनाखाली एलसीबीचे पोनि दिनेश आहेर यांच्या सूचनेनुसार पोसई तुषार धाकराव, पोहेकॉ सुनिल चव्हाण, दत्तात्रय हिंगडे, संदीप पवार, पोना लक्ष्मण खोकले, पोकॉ मच्छिंद्र बर्डे, मेघराज कोल्हे, योगेश सातपुते आदिंच्या टिम’ने ही कारवाई केली.
गौरव राजेंद्र गायकवाड हा हद्दपार आदेशाचा भंग करुन बेकायदेशिररित्या अहमदनगर शहरामध्ये वास्तव्य करीत असताना मिळून आला. त्याच्याविरुध्द तोफखाना पोलीस ठाण्यात गु.र.नं. ५३१/२३ मपोकाक १४२ प्रमाणे गुन्हे दाखल करण्यात आलेले आहेत. पुढील कार्यवाही तोफखाना पोलीस करीत आहे.
अ.नगर एलसीबी: आयपीएल क्रिकेटवर सट्टा लावणारा पकडला
Nagar Reporter
अहमदनगर : आयपीएल क्रिकेटवर ऑनलाईन ऍ़पव्दारे बेटींग (सट्टा) मोबाईलवरुन घेणारा बोल्हेगांव (ता. नगर) येथील एकास ५५ हजार रुपये किंमतीचे मुद्देमालासह अहमदनगर एलसीबी टिम’ने पकडला आहे. गोरख मच्छिंद्र सुद्रीक ( वय 26, रा. नवनाथनगर, बोल्हेगांव, ता. नगर), असे पकडण्यात आलेल्याचे नाव आहे.
एसपी राकेश ओला, अपर पोलीस अधिक्षक प्रशांत खैरे व नगर शहर डिवायएसपी अनिल कातकाडे यांच्या मार्गदर्शनाखाली एलसीबीचे पोनि दिनेश आहेर यांनी दिलेल्या सूचनेनुसार पोहेकॉ दत्तात्रय गव्हाणे, संदीप पवार, पोना लक्ष्मण खोकले आदिंच्या टिम’ने ही कारवाई केली.
वरिष्ठ पोलीस अधिकाऱ्यांच्या आदेशान्वये एलसीबी पोनि दिनेश आहेर हे अवैध धंद्यांची माहिती घेत असतांना माहिती मिळाली की, नवनाथ नगर, बोल्हेगांव (ता. नगर) येथे गोरख सुद्रीक हा घरासमोर बसून त्याच्या मोबाईलवर JAQK777 या ऑनलाईन साईटवर आयपीएल क्रिकेट मॅचवर बेकायदा पैसे लावुन सट्टा खेळत व खेळवित आहे. आता गेल्यास मिळून येईल, अशी खात्रीशीर माहिती मिळाल्याने एलसीबी पोनि श्री. आहेर यांनी एलसीबी टिम’ला खात्री करुन कारवाई करण्याबाबत आदेश दिले. एलसीबी टिम’ने पंचाना सोबत घेऊन माहिती ठिकाणी नवनाथनगर, बोल्हेगांव (ता. नगर) येथे जाऊन खात्री केली, असता एकजण घरासमोर बसून त्याच्या मोबाईलवर काहीतरी खेळताना दिसला. एलसीबी टिम’ने त्याला जागीच पकडून त्याचे नाव गांव विचारले असता त्याने त्याचे नाव गोरख मच्छिंद्र सुद्रीक (वय २६, रा. नवनाथनगर, बोल्हेगांव, ता. नगर) असे असल्याचे सांगितले. त्याच्या हातातील मोबाईलची पाहाणी केली असता त्याच्या मोबाईल फोनमध्ये JAQK777 ही ऑनलाईन साईट/ऍ़प सुरु असल्याचे व त्या ऍ़पव्दारे आयपीएल किकेट मॅचवर सट्टा लावून गेम खेळत असल्याचे दिसून आले. त्याच्या हातातील मोबाईल फोनसह ताब्यात घेतले. तो ऑनलाईन साईट/ऍ़प बाबत विचारपुस करता त्याने त्याचा साथीदार प्रविण गिते (रा. तुळजाभवानी मंदीरा समोर, पाईपलाईन रोड, अहमदनगर) याने JAQK777 या ऑनलाईन साईट/ऍ़पचा युझर आयडी व पासवर्ड देऊन त्या आधारे आयपीएल क्रिकेट सट्टा खेळतो व खेळवितो अशी माहिती दिली. त्याने दिलेल्या पत्त्यावर एलसीबी टिम’ने जाऊन शोध घेतला परंतु तो मिळुन आला नाही.
ताब्यात घेतलेल्याची पंचासमक्ष अंगझडती घेतली असता त्यांचे अंगझडतीत ५५ हजार रुपये किंमतीचा सॅमसंग कंपनी 22-Ultra मॉडेलचा ऍ़न्ड्रॉईड मोबाईल फोन मिळून आल्याने मोबाईल जप्त केला, एलसीबी पोहेकॉ संदीप कचरु पवार यांच्या फिर्यादीवरुन तोफखाना पोलीस ठाण्यात गु.र.नं.५२८/२०२३ महाराष्ट्र जुगार कायदा कलम १२ (अ) प्रमाणे गुन्हा दाखल करण्यात आला आहे. पुढील कायदेशिर कार्यवाही तोफखाना पोलीस करीत आहे.
कोतवाली पोलिस ठाणे : तलवार बाळगणारा पकडला
Nagar Reporter
अहमदनगर : शहरात तलवार बाळगणा-यास कोतवाली पोलीसांनी पकडले. सनि संतोष भुजबळ (वय २१, रा पर्जन्यश्वर मंदिराचे जवळ दातरंगेमळा, अहमदनगर) असे पकडण्यात आलेल्याचे नाव आहे.
एसपी राकेश ओला, अपर पोलीस अधिक्षक प्रशांत खैरे, नगर शहर डिवायएसपी अनिल कातकाडे यांचे मार्गदर्शनाखाली कोतवाली पोनि चंद्रशेखर यादव यांच्या सूचनेनुसार पोसई मनोज महाजन, पोसई मनोज कचरे, सफौ राजेंद्र गर्गे, पोना सलीम शेख, अभय कदम, अतुल काजळे, याकुब सय्यद, अशोक कांबळे, अशोक सायकर आदिंच्या टिम’ने ही कारवाई केली.
याबाबत समजलेली माहिती अशी की, रविवारी (दि. १६ एप्रिल) कोतवाली पोलीसांना माहिती मिळाली की, अहमदनगर शहरातील गाडगीळ पटांगण येथे सनि संतोष भुजबळ हा बेकायदेशीर तलवार बाळगून आहे. तो गुन्हा करण्याच्या बेतात आहे. आत्ता गेल्यास तो मिळून येईल. याबाबत पोनि चंद्रशेखर यादव यांनी कोतवाली पोलीस स्टेशनचे अधिकारी व अंमलदारांना संबंधित ठिकाणी जाऊन कारवाई करण्याचे आदेश दिले. पथकातील अधिकारी व अंमलदार यांनी त्या ठिकाणी जाऊन माहितीतील त्यास जागीच पकडून त्यास त्याचे नाव गाव विचारले असता त्याने त्याचे नाव सनि संतोष भुजबळ (वय २१ रा पर्जन्यश्वर मंदिराचे जवळ दातरंगेमळा, अहमदनगर) असे सांगून त्याचे कब्जात एक तलवार मिळून आली आहे. त्याचे कब्जात मिळून आलेली तलवार ही त्याने कोठुन तसेच कोणत्या कामासाठी आणलेले आहे. याबाबत त्याचेकडे विचारपुस केली असता तलवार ही माझीच असल्याचे कबुल केले. पोकाॅ अशोक कांबळे यांच्या फिर्यादीवरुन कोतवाली पोलीस ठाण्यात गुर नं.३७६/२०२३ भारतीय हत्यार कायदा कलम ४/२५ प्रमाणे गुन्हा रजिस्टरी दाखल करण्यात आला आहे. गुन्ह्याचा पुढील तपास पोना सलीम शेख हे करत आहेत.
