संग्राम सत्तेचा वृत्तसेवा
ऑनलाईन नेटवर्क
पाथर्डी- कारगिल विजय दिनानिमित्त जम्मू काश्मीर येथे झालेल्या कारगिल विजय दिनाचे प्रत्यक्षदर्शी असलेल्या माजी सैनिकांनी लढाईचा थरारक अनुभव सांगताना जम्मू काश्मीर येथील कारगिल लढाई ही भारतीयांच्या अस्मितेची लढाई होती असे सांगितले.
यावेळी भगवानगड परिसरातील माजी सैनिक पांडुरंग जवरे, एकनाथ ढाकणे, पंपु गोल्हार या कारगिल युद्धातील सैनिकांचा सन्मान करण्यात आला.
यावेळी भगवानगड परिसर प्रेस क्लब अध्यक्ष लोकपत्रकार दादासाहेब खेडकर, उपाध्यक्ष अशोक आव्हाड, देवनाथ फाउंडेशनचे अध्यक्ष व मोहटादेवी ट्रस्टचे विश्वस्त डॉ ज्ञानेश्वर दराडे, अशोक खेडकर कपील बांगर व नागेबाबा पतसंस्थेचा मित्रपरिवार उपस्थित होते.
