शेवगावात ४ लाखांची सुगंधी तंबाखू जप्त, ६ जणांवर गुन्हा दाखल ; नगर एलसीबीची कारवाई

शेवगावात ४ लाखांची सुगंधी तंबाखू जप्त, ६ जणांवर गुन्हा दाखल ; नगर एलसीबीची कारवाई
संग्राम सत्तेचा वृत्तसेवा
Online Natwork
शेवगाव : शेवगाव येथे ४ लाखांची सुगंधी तंबाखू जप्त करून ६ जणांविरोधात गुन्हा दाखल करण्यात आला आहे. यात तिघांना ताब्यात घेण्याची कारवाई अहिल्यानगर स्थानिक गुन्हे शाखेने केली आहे.
वरिष्ठ पोलिस अधिकाऱ्यांच्या आदेशानुसार अहिल्यानगर एलसीबी पोनि दिनेश आहेर यांनी दिलेल्या सूचनेनुसार पोहेकॉ संतोष लोंढे, पोकॉ किशोर शिरसाठ, पोकॉ आदिनाथ शिरसाठ व शेवगाव पोलिस ठाण्याच्या पोकॉ गीतांजली पाथरकर आदींच्या टिमने ही कारवाई केली आहे.
याबाबत समजलेली माहिती अशी की, शेवगाव येथे अवैधरित्या विकत घेऊन विक्रीसाठी ठेवलेला एक लाख ४ हजार ४२० रुपये किमतीचा विविध कंपनीचा सुगंधी पानमसाला- तंबाखू व गुटखा शेवगाव शहरातील खालची वेस येथे पकडला. अहिल्यानगर स्थानिक गुन्हे शाखेच्या पथकाने बुधवार (ता.६) दुपारी ही कारवाई केली. याबाबत स्थानिक गुन्हे शाखेचे पोलिस कॉन्स्टेबल शिवाजी अशोक ढाकणे यांच्या फिर्यादीवरून बिलाल मोहंमद हनिफ तांबोळी (वय ३४), अरबाज मोहंमद रफीक तांबोळी (वय २२), अजीम फारूक तांबोळी (वय ४१), (सर्व राहणार खालची वेस, काझी गल्ली, शेवगाव), अख्तर महेबूब आंबेकर (रा. ता. पैठण), दादासाहेब अंकुश जाधव, आदिनाथ अंकुश जाधव (दोघे, रा. ता. गेवराई) या सहा जणांविरोधात अन्न सुरक्षा कायद्याअंतर्गत गुन्हा दाखल करण्यातआला आहे. तीन जणांना पोलिसांनी ताब्यात घेतले आहे. एलसीबी टिम’ने पंचासमक्ष शहरातील खालची वेस येथे राहणारे बिलाल, अरबाज व अजीम तांबोळी यांच्या घराची झडती घेतली. यात १ लाख ४ हजार ४२० रुपयांचे विविध कंपन्यांचे ५७६ सुगंधी पानमसाला तंबाखू व गुटखा पुढे आढळून आले. त्यांच्याकडे विचारपूस केली असता सर्व पानमसाला अख्तर आंबेकर, दादासाहेब जाधव, आदिनाथ जाधव यांच्याकडून विक्रीसाठी घेतल्याचे सांगितलेअन्न सुरक्षा कायद्याअंतर्गत गुन्हा नगर स्थानिक गुन्हे शाखेच्या पोलिसांनी सदरची कारवाई ही राज्यात विक्रीस प्रतिबंध असलेली सुगंधी पानमसाला तंबाखू व गुटखा विकत घेऊन विक्रीसाठी ठेवल्याप्रकरणी सहा जणांविरुद्ध अन्न सुरक्षा कायद्याअंतर्गत व इतर कलमांन्वये गुन्हा दाखल केला आहे. पुढील तपास सपोनि धरमसिंग सुंदरडे हे करीत आहेत.