पावणे तीन लाखांचा तंबाखूजन्य पदार्थ जप्त ; एमआयडीसी पोलिस, ड्रग्स विभागाची संयुक्त कारवाई

पावणे तीन लाखांचा तंबाखूजन्य पदार्थ जप्त ; एमआयडीसी पोलिस, ड्रग्स विभागाची संयुक्त कारवाई
संग्राम सत्तेचा वृत्तसेवा
ऑनलाईन नेटवर्क
अहिल्यानगर : महाराष्ट्र राज्यात प्रतिबंधीत असलेल्या तंबाखूजन्य पदार्थाची चोरुन विक्री करणा-यावर कारवाई करुन २ लाख ७६ हजार ८०० रुपयाचा मुद्देमाल जप्त करण्यात आला. ही कारवाई एमआयडीसी पोलीस ठाणे व अन्न व औषध प्रशासन विभागाच्या संयुक्त अधिकारी, कर्मचाऱ्यांनी केली.
राजेंद्र शामराव वराट (वय ४२, रा.निंबळक ता. जि. अहिल्यानगर), आनंद तात्या खैरे (वय २८, रा.निंबळक ता.जि. अहिल्यागनर), अमोल धोंडीराम इंगोले (वय २३, रा. घाटसांगवी ता.जि. बीड हल्ली रा. निंबळक ता. जि. अहिल्यानगर), महेश भिमराव घोलप (वय ३२, रा.निंबळक ता.जि. अहिल्यानगर) आदींवर कारवाई केली आहे.
एसपी राकेश ओला, अहिल्यानगर अपर पोलीस अधीक्षक प्रशांत खैरे, नगर ग्रामीण डिवायएसपी संपतराव भोसले यांच्या मार्गदर्शानाखाली एमआयडीसी पोलीस ठाण्याचे सपोनि माणिक बी. चौधरी , पोसई विनोद परदेशी, पोहेकॉ राजु सुद्रिक, पोहेकॉ नितीन उगलमुगले, पोहेकॉ साबीर शेख, पोहेकॉ नंदकिशोर सांगळे, पोहेकॉ कावरे, मपोहेकॉ सुर्यवंशी, पोना बोरुडे, पोकॉ किशोर जाधव, पोकाॅ नवनाथ दहिफळे, पोकॉ शेरकर व अन्न व औषध प्रशासन विभागाचे राजेश बडे, अन्नसुरक्षा अधिकारी, शुभम भसमे, सागर सोनार यांच्या टीमने ही कारवाई केली.
याबाबत समजलेली माहिती अशी की, दि. १२ फेब्रुवारी २०२५ रोजी सपोनि चौधरी यांना माहिती मिळाली की, राजेंद्र शामराव वराट (रा. निंबळक), आनंद तात्या खैरे (रा. निंबळक) हे चोरुन महाराष्ट्र राज्यात प्रतिबंधीत असलेल्या तंबाखुजन्य पदार्थापासून मावा तयार करुन त्याची चोरुन विक्री करत आहे. या माहितीवरुन कारवाईसाठी अन्न व औषध प्रशासन अहिल्यानगर यांना माहिती देऊन त्यांच्याबरोबर निंबळक या ठिकाणी जाऊन मे. गजानन पान स्टॉल निंबळक येथे छापा टाकला. तेथे राजेंद्र शामराव वराट (वय ४२, रा.निंबळक ता.जि.अहिल्यानगर), अमोल धोंडीराम इंगोले (वय २३, रा. घाटसांगवी ता.जि.बीड हल्ली रा.निंबळक ता.जि. अहिल्यानगर) असे मावा व सुंगधी तंबाखुची विनापरवाना विक्री करतांना मिळून आले. त्यांना विचारणा केली असता ते मालक व कामगार असल्याचे सांगितले. त्यांना विश्वासात घेऊन पानस्टॉल मध्ये पंचासमक्ष झडती घेतली असता १२ हजार ३०० रु किमतीचा मावा विमल पानमसाला. सुंगधी तंबाखू मिळून आली. इतर मुद्देमाल साठा कोठे ठेवला याबाबत त्यांना विश्वासात घेऊन विचारणा केली असता राजेंद्र वराट यांनी सांगितले की, त्यांचे नातेवाईक आंनद खैरे यांचे घरात इतर मुद्देमाल लपवून ठेवला आहे. त्यावरुन आंनद खैरे यांच्या घराची झडती घेतली असता तेथे आनंद तात्या खैरे (वय २८, रा.निंबळक ता.जि. अहिल्यागनर) व महेश भिमराव घोलप (वय ३२, रा. निंबळक ता.जि. अहिल्यानगर) मिळून आले. त्याच्या ताब्यात सुंगधी तंबाखू व मावा, पानामसाला मिळून आला. त्यामुळे आरोपी राजेंद्र शामराव वराट, आनंद तात्या खैरे, अमोल धोंडीराम इंगोले (वय २३, रा. घाटसांगवी ता.जि. बीड हल्ली रा. निंबळक ता. जि. अहिल्यानगर), महेश भिमराव घोलप (वय ३२, रा.निंबळक ता.जि. अहिल्यानगर) यांच्या ताब्यात महाराष्ट्र राज्यात प्रतिबंधीत असलेला तयार मावा, सुंगधी तंबाखू, तसेच मावा तयार करण्याची साधने असा एकूण २ लाख ७६ हजार ८०० रुपयाचा मुद्देमाल मिळून आला. सर्व मुद्देमाल जप्त करण्यात आला आहे. आरोपींविरुद्ध एमआयडीसी पोलिस ठाण्यात गु रजि. नंबर ८६/२०२५ भारतीय न्याय संहिता कलम २२३,२७४,२७५,१२३ (३) (५) सह अन्न सुरक्षा अधिनियम कलम ५९ प्रमाणे गुन्हा दाखल करण्यात आला. पुढील तपास पोसई विनोद परदेशी हे करीत आहेत.