धारदार तलवार बाळगणा-या अटक ; भिंगार कॅम्प पोलीसांची कारवाई

धारदार तलवार बाळगणा-या अटक ; भिंगार कॅम्प पोलीसांची कारवाई
संग्राम सत्तेचा वृत्तसेवा
ऑनलाईन नेटवर्क
अहिल्यानगर : धारदार तलवार बाळगणा-या विरुध्द भिंगार कॅम्प पोलीसांनी कारवाई केली आहे. फुरकान अन्वर कुरेशी (वय-२५ रा नागरदेवळे फाटा ता.जि अहिल्यानगर) असे पकडण्यात आलेल्याचे नाव आहे.
एसपी राकेश ओला, अपर पोलीस अधिक्षक प्रशांत खैरे, नगर शहर डिवायएसपी अमोल भारती यांच्या मार्गदर्शनाखाली भिंगार कॅम्प पोलिस ठाण्याचे सपोनि जगदीश मुलगीर यांच्या सूचनेनुसार पोलीस अंमलदार कैलास सोनार, दिपक शिंदे, विलास गारुडकर, रवी टकले, पांडुरंग बारगजे, अंकुश कासार, कैलास शिरसाठ, समीर शेख आदींच्या टीमने ही कारवाई केली.
याबाबत समजलेली माहिती अशी की, दि.८ मार्च २०२५ रोजी भिंगार कॅम्प पोलीस ठाण्याचे पोहेकॉ दिपक शिंदे यांना गोपनिय माहिती मिळाली की, भुईकोट किल्ल्याजवळ नगर क्लबकडे जाणारे रोडवर तलवार घेऊन येणार आहे. आत्ता गेल्यास मिळून येईल अशी खात्रीशीर माहिती मिळाल्याने सपोनि जगदीश मुलगीर यांना सांगितल्याने त्यांनी तात्काळ तपास पथकातील अंमलदार यांना माहिती ठिकाणी जाऊन खात्री करुन कारवाई करण्याचे आदेशीत केल्याने भिंगार कॅम्प पोलीस ठाण्याचे तपास पथकातील अंमलदार यांनी माहिती ठिकाणी जाऊन सापळा लावला. दरम्यान काही वेळातच माहिती प्रमाणे एकजण नगर क्लबकडे पायी येतांना दिसला त्यास पोलीस आल्याची चाहुल लागताच तो पळून जाण्याचे तयारीत असतांना त्यास जागीच पकडून पंचासमक्ष त्याची अंगझडती घेतली असता त्याचे कंबरेला लावलेली धारदार तलवार मिळून आल्याने त्यास विश्वासात घेऊन तलवार कशासाठी आणली आहे, असे विचारले असता त्याने उडवाउडवीची उत्तरे देऊन त्याने त्याचे नाव फुरकान अन्वर कुरेशी ( रा.नागरदेवळे फाटा ता जि अहिल्यानगर) असे सांगितले. त्याच्याविरुध्द कॅम्प पोलीस ठाण्यात भादविक गुरनं १११/२०२५ भारतीय हत्यार कायदा कलम ४/२५ प्रमाणे दाखल करण्यात आला आहे.