संग्राम सत्तेचा वृत्तसेवा
Online Natwork
अहमदनगर –ग्रामीण पत्रकार संघ,महाराष्ट्र राज्याच्या वतीने सन 2023 या नवीन वर्षाच्या दिनदर्शिकेचे प्रकाशन आमदार संग्राम जगताप यांच्या हस्ते करण्यात आले , यावेळी बोलताना जगताप म्हणाले की ग्रामीण पत्रकार संघाने यापूर्वीही नगर तालुक्यात अनेक सामाजिक उपक्रम राबवत नेहमी सामाजिक बांधिलकी जपली आहे पत्रकार हा समाजाचा आरसा असून ग्रामीण पत्रकार संघटनेतर्फे राबवले जाणारे उपक्रम कौतुकास्पद असतात असे मत व्यक्त केले.
पत्रकार दिनाचे औचित्य साधत अहमदनगर शहर आणि नगर तालुक्यातील दशमीगव्हाण तसेच भातोडी येथे दिनदर्शिकेचे प्रकाशन करण्यात आले.
नगर तालुका कृषी उत्पन्न बाजार समिती अहमदनगर येथे सहायक सचिव सचिन सातपुते आणि केशवराव लबडे यांच्या हस्ते प्रकाशन करण्यात आले.
नगर तालुक्यातील दशमीगव्हाण येथे ग्रामपंचात कार्यालयासमोर ग्रामस्थांच्या उपस्थितीत दिनदर्शिकेचे प्रकाशन करण्यात आले तर भातोडी येथे पाटबंधारे विभागाचे उपअभियंता बबनराव वाळके आणि शाखा अभियंता दत्तात्रय मोरे व भातोडी ग्रामस्थांच्या उपस्थितीत दिनदर्शिकेचे प्रकाशन करण्यात आले.
यावेळी पत्रकार संघाचे संस्थापक अध्यक्ष अन्सार शेख , प्रदेश कार्याध्यक्ष आणि सत्यजीत महाराष्ट्र चॅनलचे संपादक शाम कांबळे, प्रदेश उपाध्यक्ष अशोक तांबे, प्रदेश खजिनदार रफिक शेख,जिवाजी लगड, बाबासाहेब तीपोळे, सागर कांबळे, शिवा मस्के आदि पत्रकार उपस्थिती होते.
