संग्राम सत्तेचा वृत्तसेवा
ऑनलाईन नेटवर्क
अहमदनगर – जिल्ह्यातील वाढत्या गुन्हेगारीला आळा घालण्यासाठी व संबंधित आरोपींवर प्रभावी प्रतिबंधक कारवाई करण्यासाठी जिल्हा पोलीस अधीक्षक मनोज पाटील यांच्या संकल्पनेतून अहमदनगर जिल्ह्यात जानेवारी 2021 पासून टू प्लस योजना कार्यान्वित करण्यात आली. या योजनेसाठी अहमदनगर जिल्ह्यामध्ये मालाविषयक शरीरविषयक तसेच वाळूविषयक अशा प्रकारचे गुन्हे करणारी व या आरोपींवर दोन अथवा दोनपेक्षा जास्त गुन्हे दाखल आहेत, अशा सराईत गुन्हेगारांचा यामध्ये समावेश करण्यात आला आहे. या योजनेची अहमदनगर जिल्ह्यामध्ये अधिक प्रभावीपणे अंमलबजावणी करण्यासाठी तसेच कमी कालावधीत टू प्लस योजनेसाठी लागणारी माहिती तात्काळ उपलब्ध होण्यासाठी जिल्हा पोलीस अधीक्षक मनोज पाटील यांच्या आदेशान्वये जिल्ह्यातील सर्व पोलिस ठाण्यात तसेच स्थानिक गुन्हे शाखा अहमदनगर येथे एक पोलीस अधिकारी व दोन पोलीस अंमलदार यांची टु प्लस पथक म्हणून नेमणूक करण्यात आली आहे. मालाविषयक ज्या आरोपींवर दोन अथवा दोनपेक्षा जास्त गुन्हे दाखल आहेत, अशा आरोपींची सन 2011 पासून माहिती संकलित करण्यात आली. शरीराविषयी आरोपींवर दोन अथवा दोन पेक्षा जास्त गुन्हे दाखल आहेत अशी आरोपींची सन 2015 पासून माहिती संकलित करण्यात आली. संकलित केलेली माहिती टु प्लस पथकामार्फत टु प्लस योजनेच्या वेबसाईटवर भरण्यात आलेली आहे. अहमदनगर जिल्ह्यामध्ये जानेवारी 2021 पासून टु प्लस योजना कार्यान्वित झाल्यानंतर सुरुवातीस 3841 (मालाविषयक 1914, शरीरविषयक 1927) आरोपींचा टू प्लस योजनेमध्ये समावेश करून त्याची संकलित केलेली माहिती तू प्लस योजनेच्या वेबसाईटवर टाकण्यात आली होती. जानेवारी 2021 पासून दैनंदिन अटक आरोपमधून नव्याने 437 (मालाविषयक 214, शरीराविषयी 223) आरोपी निष्पन्न करण्यात आले. आजपर्यंत 4278 आरोपीची माहिती वेबसाईटवर भरण्यात आली आहे.
👉आरोपी मिळावे : –
अहमदनगर जिल्ह्यामध्ये जानेवारी 2019 पासून 2021 पासून योजना कार्यान्वित झाल्यानंतर सुरुवातीस 3841 आरोपींचा योजनेमध्ये समावेश करण्यात आला या आरोपींचे गुन्ह्यासंबंधी मतपरिवर्तन त्यांना योग्य मार्गदर्शन मार्गदर्शन करण्यासाठी अहमदनगर जिल्ह्यातील सर्व पोलीस ठाण्यात आरोपींचे मेळावे घेण्यात आले.
📲 टु प्लस आरोपींवर निगराणी व कारवाई करण्यासाठी टु प्लस योजनेंतर्गत : –
👉हिस्ट्रीसीट :- टु प्लस योजनेमध्ये समाविष्ठ असलेले मालाविषय गुन्हे करणारे यातील प्रोफेशनल, सराईत, व्यवसायिक गुन्हेगारांवर निगराणी ठेवण्यासाठी जिल्ह्यातील 451 सराईत गुन्हेगारांची नवीन हिस्ट्रीसीट उघडण्यात आले. जिल्हा अभिलेखावरी जुने 167 हिस्ट्रीशिटर्स पैकी अक्रियाशिल 82 हिस्ट्रीशिटस कमी करण्यात आले. आजपर्यंत नवीन व जुने असे एकूण 451+85=536 हिस्ट्रीशिट अहमदनगर जिल्हा अभिलेखावर क्रियाशील आहेत.
👉गुंडा रजिस्टर : – टू प्लस योजनेमध्ये समाविष्ट असलेल्या शरीराविषयी गुन्हे करणारे गुन्हेगारांवर निगराणी ठेवण्यासाठी नवीन 517 गुंडाना गुंडा रजिस्टरमध्ये समाविष्ठ करण्यात आले. जिल्हा अभिलेखावर जुने 901 गुंडापैकी अक्रियाशील असे 209 गुंड गुंडारजिस्टरमधून कमी करण्यात आले. आजपर्यंत नवीन व जुने असे एकूण 517 +692= 1209 गुंडा अहमदनगर जिल्हा अभिलेखावर आहेत.
📲 प्रतिबंधक कारवाई :-
👉अहमदनगर जिल्हा अभिलेखावरील व टू प्लस योजनेत समाविष्ठ आरोपींविरुद्ध सीआरपीसी 1910/ 107 नुसार 1422 गुन्हेगारांवर कारवाई करण्यात आलेले आहे.
👉 टु प्लस योजनेतील शरीराचे गुन्हेगारांतून 142 टोळ्या निष्पन्न करून महाराष्ट्र पोलीस कायदा कलम 55 नुसार ऑक्टोबर 2020 पासून आजपर्यंत 13 प्रस्ताव प्राप्त झाले. 4 क्रियशिल गुन्हेगार टोळ्यांना हद्दपार करण्यात आले आहे. 👉 महाराष्ट्र पोलीस कायदा कलम 56 नुसार 24 प्रस्ताव कारवाईसाठी उपविभागीय अधिकारी यांच्याकडे पाठविण्यात आले आहेत.
👉 एमपीडीए नुसार 6 प्रस्ताव प्राप्त असून एका आरोपीस स्थानबद्ध करण्यात आले आहे व 5 प्रस्ताव अंतिम मंजुरीसाठी आहे.
👉 संघटित गुन्हेगारी अधिनियम (मोक्का ) अंतर्गत 6 प्रस्ताव प्राप्त असून सर्व प्रस्तावास नाशिक विशेष पोलीस महानिरीक्षक यांनी मंजुरी दिली आहे. यापैकी अप्पर पोलीस महासंचालक महाराष्ट्र राज्य (मुंबई) यांनी 3 प्रस्तावास दोषारोपपत्र पाठवण्याची परवानगी दिलेली आहे.
📲 टु प्लस आरोपींविरुद्ध कोर्टात चालू केसेस : – टु प्लस योजनेमध्ये समाविष्ठ आरोपींविरुद्ध न्यायालयात चालू असलेल्या केसेसची माहिती ‘ट्रायल मॉनेटरिंग सेल (टीएमसी) यांच्याकडून प्राप्त करून सदर केसेसवर बारकाईने लक्ष ठेवण्यासाठी तसेच केसेसमधील साक्षीदार, तपासी अंमलदार, पोलीस स्टेशन प्रभारी अधिकारी यांना आरोपीस शिक्षा होण्याच्या दृष्टीने योग्य मार्गदर्शन करण्यासाठी अप्पर पोलीस अधीक्षक अहमदनगर यांच्यामार्फत पत्रव्यवहार करण्यात येत आहे.
📲 सीएमआयएस (क्रिमिनल मॉनेटरिंग सिस्टिम) ॲप : – टु प्लस योजनेअंतर्गत मालाविषयक गुन्हे करणारे प्रोफेशनल, सराईत, व्यावसायिक गुन्हेगार यांच्यावर लक्ष ठेवण्यासाठी सीएमआयएस ॲप तयार करण्यात आले आहे. ॲपमध्ये प्रोफेशनल, सराईत, व्यवसायिक गुन्हेगारांचे नावे, पत्ता, नातेवाईक त्यावर असणारे गुन्हे, गुन्हेगारांचा गुन्हा करण्याची पद्धत त्यांचे गुन्ह्याचे साथीदार ही माहिती भरण्यात आली आहे. आजरोजी पर्यंत 567 प्रोफेशनल, सराईत, व्यवसायिक गुन्हेगार माहिती सदर ॲपमध्ये भरण्यात आलेली आहे. सदर ॲप अहमदनगर जिल्हा पोलिस घटकात कार्यात पोलीस अधिकारी, पोलीस अंमलदार व महिला पोलीस हवालदार यांच्या मोबाईलमध्ये कार्यान्वित करण्यात आली आहे. सीएमआयएस ॲपद्वारे प्रोफेशनल सराईत व्यवसायिक गुन्हेगारांना त्यांच्या राहत्या पत्त्यावर जाऊन चेक करण्याचे काम चालू करण्यात आलेले आहे. अशाप्रकारे सराईत गुन्हेगारांची त्यांचे राहते घरी जाऊन चेक करण्याचे काम चालू असल्याने व त्याचे लोकेशन टू प्लस योजनेअंतर्गत सीएमआयएस ॲपमध्ये अपलोड होत असल्याने आरोपी हा नजरेआड न होता तो पोलिसांच्या नजरेसमोर येण्यास मदत होत आहे. त्यामुळे गुन्ह्याचे प्रमाण कमी होण्यास मदत होईल अशाप्रकारे टू प्लस योजनेमुळे कार्यवाही व कारवाई होत असल्याने अहमदनगर जिल्ह्यातील वाढत्या गुन्हेगारीला आळा बसून गुन्हेगारी कमी होण्यास मदत होईल.
टु प्लस योजना अहमदनगर जिल्हा पोलिस अधीक्षक मनोज पाटील, अप्पर पोलीस अधीक्षक सौरभकुमार अग्रवाल, श्रीरामपूर अप्पर पोलीस अधिक्षक दिपाली काळे मॅडम आणि जिल्ह्यातील सर्व उपविभागीय पोलिस अधिकारी यांच्या सूचना व मार्गदर्शनाखाली स्थानिक गुन्हे शाखेचे पो. नि अनिल कटके व टु प्लस पथकातील पोलिस अंमदार यांनी केलेली आहे.
