उद्योगपती रॉबर्ट वार्डा यांनी रविवारी घेतले श्री साईबाबा समाधीचे दर्शन

संग्राम सत्तेचा वृत्तसेवा
Online Natwork
शिर्डी- प्रसिद्ध उद्योगपती व प्रियंका गांधी यांचे पती रॉबर्ट वार्डा यांनी रविवारी शिर्डीला येऊन श्री साईबाबांच्या समाधीचे दर्शन घेतले. भारतीय राष्ट्रीय काँग्रेसच्या माजी अध्यक्षा सोनिया गांधी यांचे जावई तसेच प्रियंका गांधी यांचे पती आणि भारतीय उद्योजक रॉबर्ट वार्डा यांनी रविवार ( दि. 30) शिर्डीला भेट देऊन श्री साई समाधी मंदिरात जाऊन श्री साईबाबांच्या समाधीचे मनोभावे दर्शन घेतले. श्री साईंची पाद्य पूजाही त्यांनी केली. साई दर्शनानंतर साई संस्थांनच्या वतीने संस्थांनच्या मुख्य कार्यकारी अधिकारी श्रीमती भाग्यश्री बानायत यांनी त्यांचा श्री साई मूर्ती , ग्रंथ, शाल देऊन सत्कार केला. काँग्रेसचे कार्यकर्ते व संस्थांनचे अधिकारी यावेळी उपस्थित होते.आज पहिल्यांदाच मी साईबाबांचं दर्शन घेतलं.त्यामुळे शक्ती मिळाली. साईबाबांचे विचार सर्वसमावेशक होते. साईंच्या सर्वधर्मसमभाव या संदेशाची आज देशाला गरज असल्याचंही वार्डा यावेळी म्हणाले.