संग्राम सत्तेचा वृत्तसेवा
Online Natwork
नेवासा – येथील ज्ञानेश्वर मंदिरापाठीमागे टाटा टेम्पो विनापरवाना वाळू भरुन चोरुन ती वाहतूक करणाऱ्या टेम्पोसह ३ लाख १० हजार रु. किंमत मुद्देमाल जप्त करण्याची कारवाई अहमदनगर एलसीबी टिम’ने केली आहे.
एसपी राकेश ओला, अप्पर पोलीस अधीक्षक स्वाती भोर मॅडम, श्रीरामपूर डिवायएसपी संदीप मिटके यांच्या मार्गदर्शनाखाली एलसीबीचे पोनि अनिल कटके यांच्या सूचनेनुसार पोहेकॉ दत्तात्रय गव्हाणे, शंकर चौधरी, राहुल यादव, लक्ष्मण खोकले, ज्ञानेश्वर शिंदे, संदीप दरंदले आदिंच्या ‘टिम’ने ही कारवाई केली आहे.
याबाबत समजलेली माहिती अशी की, अहमदनगर एलसीबी पोनि अनिल कटके यांना माहिती मिळाली की, नेवासा गावात ज्ञानेश्वर मंदीरापाठीमागे एक विटकरी रंगाचा टाटा कंपनीचा ९०९ मॉडेलचा टेम्पो विनापरवाना बेकादेशिररित्या वाळू भरुन ती चोरुन वाहतूक करीत आहे. तुम्ही आता गेल्यास तो मिळून येईल, अशी खात्रीशीर माहिती मिळाल्याने एलसीबी टिम’तील कर्मचाऱ्यांनी माहिती ठिकाणी जाऊन खात्री केली. नेवासा गावात ज्ञानेश्वर मंदीरापाठीमागे सापळा लावून थांबले असता दरम्यान माहितीनुसार एक विटकरी रंगाचा टाटा कपंनीचा ९०९ मॉडेलचा टेम्पो येताना दिसला. एलसीबी टिम’ची व पंचांची खात्री होताच त्या ठिकाणी ६ वाजण्याच्या सुमारास टेम्पोवरील चालकास थांबविण्याचा इशारा केला. यावेळी टेम्पो चालकाने टेम्पो रोडचे कडेला थांबविला. त्याला ताब्यात घेऊन त्यास त्याचे नाव गाव विचारले असता त्याने त्याचे नाव संतोष बाळासाहेब गायकवाड ( वय ३०, रा. बहीरवाडी ता नेवासा) असे असल्याचे सांगितले. पकडलेल्या टेम्पोची पाहणी करता, टेम्पोमध्ये वाळू मिळून आली. चालकास वाळू वाहतुकीबाबत परवाना आहे, अगर कसे याबाबत विचारपुस केली असता त्याने कोणताही प्रकारचा परवाना नसलेल्याचे सांगितले. टेम्पो चालकास टेम्पोचे मालकाबाबत विचारपुस केली असता, त्याने टेम्पो मालकाचे नाव विजय धनवटे (रा. भेंडा ता. नेवासा) हे मालक असल्याचे सांगितले. टेम्पो चालकाने शासनाची कोणतीही परवानगी न घेता विनापरवाना बेकायदेशिरपणे शासकीय वाळू चोरुन वाहतूक करताना मिळून आला आहे. पकडलेल्या टेम्पोचे व वाळू, यात ३ लाख रुपये किं. एक विटकर रंगाचा टाटा कंपनीचा ९०९ मॉडेलचा विनानंबरचा टेम्पो, १० हजार रुपये किं.ची 1 ब्रास शासकीय मालकीची वाळू असा ३ लाख १० हजार रुपये किंमतीचा मुद्देमाल मिळून आला. दोन पंचासमक्ष टेम्पोचा व वाळूचा पंचनामा हा नेवासा पोलिस ठाण्याचे पोना राहुल यादव यांनी जागीच करून मुद्देमाल जागीच जप्त करुन ताब्यात घेतला. एलसीबी पोना संदीप संजय दरंदले
यांनी दिलेल्या फिर्यादीवरून मूद्देमालासह नेवासा पोलीस ठाण्यात टेम्पो चालक नाने संतोष बाळासाहेब गायकवाड (वय ३० रा. बहीरवाडी ता नेवासा) आणि फरार टेम्पो मालक विजय धनवटे (पूर्ण नाव माहीत नाही, रा भेंडा ता नेवासा) यांच्याविरुद्ध भादवि कलम ३७९ प्रमाणे गुन्हा दाखल करण्यात आला.
