संग्राम सत्तेचा वृत्तसेवा
Online Natwork
अहमदनगर : रविवार दि.१९ मार्च २०२३ रोजी दुपारी 1 वाजता राज्याचे उपमुख्यमंत्री देवेंद्र फडणवीस यांनी बहुप्रतीक्षित अशा साकळाई उपसा जलसिंचन योजनेच्या सर्वेक्षणास मान्यता दिली तसेच सर्वेक्षणास २ कोटी रूपयाचा निधी देखील मंजूर केल्या बद्दल, त्यांचा भव्य नागरी सत्काराचे आयोजन करण्यात आले असल्याचे खा.डाॅ.सुजय विखे पाटील यांनी सांगितले आहे.
याबरोबरच शेतकऱ्यांचा आत्मा असलेल्या अहमदनगर डिसीसी बँकेच्या अध्यक्षपदी निवड झाल्याबद्दल माजीमंत्री शिवाजीराव कर्डीले यांचा सत्कार करण्यात येणार आहे.
हे दोन्ही ही नागरी सत्कार समारंभ नगर तालुक्यातील रूईछत्तीसी या ठिकाणी संपन्न होणार आहे. या कार्यक्रमाचे जिल्ह्याच्या अध्यक्षस्थानी पालकमंत्री राधाकृष्ण विखे पाटील हे असून, यावेळी आमदार बबनराव पाचपुते, मोनिका राजळे, राम शिंदे यांच्या प्रमुख उपस्थिती राहणार आहे.
या नागरी सत्कार समारोहास ज्येष्ठ नेते,भाजप पदाधिकारी,कार्यकर्ते तसेच पंचक्रोशीतील ग्रामस्थांनी मोठ्या संख्येने उपस्थित राहावे असे आवाहन खा.डाॅ.सुजय विखे पाटील यांनी केले आहे.
