संग्राम सत्तेचा वृत्तसेवा
Online Natwork
अहमदनगर – नाशिक येथील गोखले एज्युकेशन सोसायटीचे एन.बी.टी. लॉ कॉलेज व ॲड. डी. टी. जायभावे ट्रस्ट वतीने आयोजित दोन दिवसीय १५ वे राष्ट्रीय स्तरीय मूट कोर्ट स्पर्धेमध्ये अहमदनगर जिल्हा मराठा विद्या प्रसारक समाजाचे न्यू लॉ कॉलेजच्या एल. एल. बी. अंतिम वर्षाचे विद्यार्थी शेख अरकान हाफिज जहागीरदार, अशिष संभाजी सुसरे व कु. ऋतुजा सुशांत करमरकर यांनी उत्कृष्ट मेमोरीयलमध्ये प्रथम पारितोषीक व मूट ट्रायलमध्ये दुस-या क्रमांकचे पारितोषिक पटकावले.
विधी महाविद्यालयात कायद्याचे शिक्षण घेणा-या विदयार्थ्याना प्रत्यक्ष न्यायालयात खटले कसे चालविले जाते. याचे प्रत्यक्ष ज्ञान देण्याच्या उद्देशाने मूट कोर्टचा उपक्रम राबविण्यात येतो. त्या अनुषगांने नाशिक येथील गोखले एज्युकेशन सोसायटीचे एन. बी. टी. लॉ कॉलेज व ॲड. डी.टी. जायभावे ट्रस्ट वतीने दि.११ मार्च व दि.१२ मार्च २०२३ रोजी दोन दिवसीय १५ वे राष्ट्रीय मूट कोर्ट स्पर्धेचे आयोजन करण्यांत आले होते. अशा प्रकारची मूट ट्रायल स्पर्धा ही भारतातील एकमेव स्पर्धा झाली. सन २००६ पासून या स्पर्धेचे आयोजन करण्यांत येते. स्पर्धेमध्ये निगोशिएबल इन्स्ट्रुमेन्ट ॲक्ट चे कलम १३८ प्रमाणे फौजदारी खटला व मुस्लिम कायदयाचे तरतुदी प्रमाणे हिबा (बक्षीसपत्र) चा दिवाणी दावा असे दोन खटल्याची सुनावणी घेण्यात आली. स्पर्धेमध्ये देशभरातील ३२ विधी महाविदयालयानी सहभाग घेतलेला होता. त्यामध्ये न्यू लॉ कालेज अहमदनगर या विधी महाविदयालया वतीने एल.एल.बी. अंतिम वर्षाचे विदयार्थी शेख अरकान हाफिज जहागीरदार यांनी फौजदारी खटल्यात फिर्यादी तर्फे व दिवाणी दाव्यात वादी तर्फे तर अशिष संभाजी सुसरे यांनी आरोपी व प्रतिवादी तर्फे कामकाज पाहिले दोन्ही खटल्यात न्यायाधिश म्हणून कु. ऋतुजा सुशांत करमरकर हिने काम पाहिले यामध्ये न्यू हॉ कॉलेजच्या विदयार्थ्याना उत्कृष्ठ मेमोरीयल मध्ये पहिले तर मुट ट्रायलमध्ये द्वितीय क्रमांकाचे पारितोषीक गोखले एज्युकेशन संस्थेचे अध्यक्ष डॉ. एम.ए. गोसावी, बार कॉन्सिल ऑफ महाराष्ट्र ॲण्ड गोवाचे सदस्य कायदे तज्ञ डॉ. ॲड. उदय वारुंजीकर व ॲड. जयंत जयभावे यांचे हस्ते मानचिन्ह व रोख पारितोषिक देण्यांत आले.
राष्ट्रीय स्पर्धेत न्यू लॉ कॉलेजच्या विदयार्थ्यांनी उत्कृष्ट कामगिरी करुन स्पर्धेत पारितोषीक मिळविल्याबद्दल न्यू लॉ कॉलेजचे प्राचार्य एम.एम.तांबे, प्रा.डॉ. पांढरे, प्रा.डॉ.मोरे, प्रा.पाचे, प्रा.भवाळ, प्रा.तोरडमल, प्रा.वडेपल्ली, प्रा.ॲड. काकडे मॅडम आदीनी अभिनंदन केले आहे.
