संग्राम सत्तेचा वृत्तसेवा
ऑनलाईन नेटवर्क
पंतप्रधान नरेंद्र मोदी यांच्या अध्यक्षतेतील सरकारचा २०१९ नंतरचा पहिलाच मंत्रीमंडळ विस्तार आज बुधवारी रामनाथ कोविंद यांच्या साक्षीने पार पडला. या मंत्रीमंडळ विस्तारामध्ये एकुण ४३ नव्या चेहऱ्यांना पसंती दिली गेली. मंत्रीमंडळ विस्तारामध्ये मंत्रीपदाची सर्वात प्रथम नारायण राणे यांना पद आणि गोपनियतेची शपथ दिली गेली. आज बुधवारी राष्ट्रपती भवनात दरबार हॉल येथे पार पडलेल्या शपथविधी समारंभात मंत्रीपदाची शपथ नारायण राणे यांना देण्यात आली. त्यासोबतच आणखी खासदारांनाही मंत्रीपदाची शपथ देण्यात येत आहे. महाराष्ट्रातील भिवंडी लोकसभा मतदारसंघातील खासदार कपिल पाटील यांनीही मोदी मंत्रीमंडळ विस्तारात मंत्रीपदाची शपथ घेतली. मराठवाड्यातील खासदार डॉ भागवत कराड यांनीही राज्यमंत्री पदाची शपथ घेतली. मोंदीच्या नव्या मंत्रीमंडळात एकुण ४३ तरूण मंत्र्यांना संधी दिली आहे. त्यामध्ये कॅबिनेट आणि राज्यमंत्री अशा दोन पद्धतीची शपथ देण्यात आली.
