संग्राम सत्तेचा वृत्तसेवा
Nagar Reporter
अहमदनगर : चोरीच्या गुन्ह्यातील दोन आरोपी आयशर टेम्पोसह व गुन्ह्यातील चोरीस गेलेल्या मालासह नगर तालुका पोलिसांनी पकडले.
गैयबीसाहब युनुस शेख (वय २१, रा. हरंगुळ ता.जि. लातूर ), भाऊसाहेब बापू आडे (रा तळणी तांडा ता. औसा जि. लातुर) असे पकडण्यात आलेल्याची नावे आहेत.
एसपी राकेश ओला, अपर पोलीस अधिक्षक प्रशांत खैरे व नगर ग्रामीण डिवायएसपी अजित पाटील यांच्या मार्गदर्शनाखाली नगर तालुका पोलीस ठाण्याचे सपोनि शिशिरकुमार देशमुख यांच्या सूचनेनुसार पोउपनि रणजित मारग, मपोना जी. व्ही. धनवडे, पोहेकॉ आर. सी. ससाणे, पोहेकॉ जे. डी. जंबे, पोना आर. एन. शिंदे, पोकाॅ एस. एस. जाधव आदिंच्या ‘टिम’ने ही कारवाई केली.या गुन्ह्याचा पुढील तपास मपोना जी. व्ही. धनवडे या करीत आहेत.
याबाबत समजलेली माहिती अशी की, दि ३ मार्च २०२३ ला सकाळी ११ वाजण्याच्या सुमारास नगर तालुका पोलीस ठाणे हद्दीतील नगर कल्याण रोडवरील जखणगाव गावच्या शिवारातील कुंदन हॉटेलमध्ये मालकीची एसएचपी’ची वेगा कंपनीची विहिरीवरची सबमर्सिबल मोटार ही त्यांनी ठेवलेल्या हॉटेलच्या कंपाऊंडमधून चोरी गेली. या गौरव राम त्र्यंबके ( रा. घर नं. १४अ, सरोदे कॉलणी, बालीकाश्रम शाळे मागे, अहमदनगर) यांनी दिलेल्या फिर्यादीवरून नगर तालुका पोलीस ठाण्यात गुरनं.१७९/२०२३ भादवि कलम ३७९ प्रमाणे गुन्हा दाखल करण्यात आला होता.
या दाखल गुन्हयाचा तपास करत असताना सपोनि शिशिरकुमार देशमुख यांच्या मार्गदर्शनाखाली गुन्ह्यातील गेलेला माल व अज्ञात आरपीतांचा शोध घेऊन तांत्रिक बाबीचे विश्लेषण करुन आयशर टेम्पोवरील चालक व त्यासोबत असलेल्याने गुन्हा केल्याचे निष्पन्न झाले. आरोपी व आयशर टेम्पो हा एम.आय.डी.सी लातूर येथे असल्याबाबत माहिती मिळाल्याने नगर तालुका पोलिस ठाण्याचे सपोनि शिशिरकुमार देशमुख यांच्या सूचनेनुसार पोसई रणजित मारग, तपासी अंमलदार मपोना जी. व्ही. धनवडे, पोहेकॉ आर.सी. ससाणे, पोकाॅ एस. एस. जाधव आदिंची टीम खाजगी वाहनासह एमआयडीसी पोलिस ठाणे( ता.जि. लातूर) येथील स्थानिक पोलीसांची मदत घेऊन दोघांना पकडण्यात आले. त्यांना पोलिस टाक्या दाखविताच गुन्हा केल्याची कबुली दिली. दोन्ही आरोपींना ताब्यात घेऊन गुन्ह्यातील गेलेला माल एसएचपीची वेगा कंपनीची विहीरीवरची सबमर्सिबल मोटार ही आरोपीताने काढून दिल्याने जप्त करण्यात आल्या. गुन्ह्यात वापर केलेला आयशर टेम्पो व मोटार असे एकूण १० लाख १० हजार रु कि.चा मुद्देमाल जप्त करण्यात आलेला आहे. गुन्ह्यातील आरपी यांना अटक करण्यात येऊन गुन्ह्याचा तपास हा मपोना जी. व्ही. धनवडे या करीत आहे
