डॉक्टरच्या घरावर दरोडा घालणारे मुद्देमालासह पकडले ; अहमदनगर एलसीबी टिम’ची कारवाई

संग्राम सत्तेचा वृत्तसेवा
Online Natwork
अहमदनगर – शहरातील डॉ. अरुण वैद्य यांच्या घरी दरोडा घालणा-या दोघांना पकडण्यात अहमदनगर एलसीबी टिम’ला यश‌ आले आहे. पकडण्यात आलेल्याकडून १ लाख ७० हजार ५७० रुपये किंमतीचे सोन्याचे दागिने व रोख असा मुद्देमाल‌ जप्त करण्यात आला आहे.
आकाशसिंग रघुविरसिंग जुन्नी (वय १९, रा. संजय नगर झोपडपट्टी, काटवन खंडोबा, अहमदनगर), सागरसिंग जुन्नी (रा. संजय नगर झोपडपट्टी, काटवन खंडोबा, अहमदनगर) असे पकडण्यात आलेल्याची नावे आहेत.
एसपी राकेश ओला, अपर पोलीस अधिक्षक प्रशांत खैरे, नगर शहर डिवायएसपी अनिल कातकाडे यांच्या मार्गदर्शनाखाली एलसीबीचे पोनि अनिल कटके यांनी दिलेल्या सूचनेनुसार एलसीबीचे सपोनि दिनकर मुंढे, पोसई सोपान गोरे, सफौ राजेंद्र वाघ, संजय खंडागळे, पोहेकॉ मनोज गोसावी, सुरेश माळी, देवेंद्र शेलार, संदीप घोडके, पोना शंकर चौधरी, विशाल दळवी, रविकिरण सोनटक्के, दिपक शिंदे, पोकॉ सागर ससाणे, मयुर गायकवाड, रोहीत येमुल, विजय धनेधर व चापोहेकॉ उमाकांत गावडे आदिंच्या ‘टिम’ने ही कामगिरी केली आहे.
याबाबत समजलेली माहिती अशी की,‌ कुटुंबियासह रात्रीचे जेवण करुन झोपलेले असतांना रात्री २.३० वाजण्याच्या सुमारास अंदाजे २५ ते ३० वयोगटातील अनोळखी ६-७ जणांनी फ्लॅटचे मुख्य दरवाजाची कडीकोंडा कटावणीने तोडून आत प्रवेश करुन मला व पत्नी हिला कटावणी व लोखंडी रॉडने मारहाण करुन जिवे मारण्याची धमकी दिली. यावेळी २८ तोळे वजनाचे सोने व हि-यांचे दागिने तसेच १० लाख रुपये रोख असा एकूण २१ लाख २० हजार रु. किमतीचा मुद्देमाल दरोडा चोरी करुन चोरुन नेला होता, या दि‌.१५ फेब्रुवारी २०२३ डॉ. अरुण जगन्नाथ वैद्य ( रा. फ्लॅट नंबर ३०२, वर्धमान रेसिडेन्सी, पटेल मंगल कार्यालया मागे, टिळक रोड अहमदनगर) यांच्या फिर्यादीवरून कोतवाली पोलीस ठाण्यात गु.र.नं.१५४/२०२३ भादविक ३९५ प्रमाणे दरोड्याचा गुन्हा दाखल करण्यात आला आहे.

या घटनेचे गांभीर्य लक्षात घेऊन एसपी राकेश ओला यांनी एलसीबीचे पोनि पोनि अनिल कटके यांना एलसीबीचे पोलीस अधिकारी व अंमलदार यांचे विशेष पथक नेमून गुन्ह्याचा सखोल व बारकाईने समांतर तपास करुन गुन्हयातील आरोपींचा शोध घेऊन गुन्हा उघडकिस आणण्याबाबत आदेश दिले होते. आदेशान्वये पोनि श्री. कटके यांनी एलसीबीच्या दोन विशेष पथके नेमून आरोपींचा शोध घेऊन कारवाई करण्याबाबत सूचना दिल्या. पथके तात्काळ रवाना केली. विशेष पथकातील पोलीस अधिकारी व अंमलदार यांनी घटना ठिकाणी जाऊन बारकाईने पहाणी करुन डॉ. वैद्य यांच्या घरामध्ये घरकाम करणारे एकजण, चालक व इतर काम करणारे तसेच घरी येत-जात असणा-यांबाबतची अधिक माहिती घेऊन आरोपींचा शोध घेत असतांना पोनि श्री. कटके यांना माहिती मिळाली की, डॉ. वैद्य यांच्या घरी मागील ३-४ वर्षांपासून कामास असलेला आकाशसिंग जुन्नी, (रा. संजयनगर झोपडपट्टी, काटवन खंडोबा, अहमदनगर) त्याने त्यांच्या इतर साथीदारासह गुन्हा केला आहे. तो माळीवाडा वेस अहमदनगर येथे त्याच्या साथीदारासह उभा असून कोठे तरी पळून जाण्याच्या तयारीत आहे.आता गेल्यास मिळून येईल, अशी माहिती मिळाली. या माहितीनुसार ती माहिती पोनि श्री. कटके यांनी एलसीबी टिम’ला खात्री करुन कारवाई करण्याबाबत आदेश दिले.
पथकातील पोलीस अधिकारी व अंमलदार यांनी तात्काळ माळीवाडा वेस येथे जाऊन संशयीतांचा शोध घेत असतांना पथकास दोन संशयीत दिसले त्यांना शिताफीने ताब्यात घेण्याचे तयारीत असतांना दोन्ही इसम पोलीस पथकाची चाहुल लागताच पळून जाऊ लागले. त्यांचा पाठलाग सुरु करता एक इसम गर्दीचा फायदा घेऊन पळून गेला. त्याचा शोध घेतला, परंतु तो मिळून आला नाही. तसेच एका संशयीतास ताब्यात घेऊन त्यास पोलीस पथकाची ओळख सांगून त्याचे नाव गांव विचारले असता त्याने त्याचे नाव आकाशसिंग रघुविरसिंग जुन्नी ( रा. संजयनगर झोपडपट्टी, काटवन खंडोबा, अहमदनगर) असे असल्याचे सांगितले. यांच्याकड गुन्ह्याबाबत विचारपुस करता सुरुवातीस तो समाधानकारक उत्तरे न देता उडवाउडवीची उत्तरे देऊ लागला. त्यास अधिक विश्वासात घेऊन सखोल व बारकाईने चौकशी करता त्याने डॉ. वैद्य यांचे मुळ घराचे बांधकाम सुरु असल्याने डॉ. वैद्य यांनी टिळक रोड अहमदनगर येथे एक फ्लॅट भाडे तत्वावर घेतला होता. त्यावेळी डॉ. वैद्य यांचे घरातील सामान शिफ्टींग करीता डॉक्टरांनी आकाशसिंग जुन्नी यास काही लोकांना सोबत घेवुन सामान शिफ्टींग करणे करीता सांगितले. त्यावेळी आकाशसिंग यांने त्याचे नात्यातील सागरसिंग व इतर ५-६ लोकांना सोबत घेऊन डॉक्टरांच्या घरातील सामान शिफ्ट करुन दिले होते. त्यावेळी डॉक्टरांच्या पत्नी यांनी घरातील सोन्याचे व हि-याचे दागिने तसेच रोख रक्कम सुटकेसमध्ये भरतांना पाहिले होते. याबाबत आकाशसिंग व सागरसिंग यांनी सोने व हि-याचे दागिने तसेच रोख रक्कम या बाबत त्याचे नात्यातील करणसिंग टाक (रा. आष्टी, जि. बीड) यास माहिती दिली. त्यावरुन करणसिंग याने त्याच्या इतर ५-६ साथीदारांना व सागरसिंग अशांना सोबत घेऊन डॉक्टरांचे घरी जाऊन दरोडा टाकल्याची हकिगत सांगितली. तसेच चोरी केलेले सोने व हि-याचे दागिने व रोख बाबत विचारपुस करता त्याने पळून गेलेला सागरसिंग याचेकडे गुन्ह्यातील सोने व रोख असल्याबाबत माहिती दिल्याने त्यास ताब्यात घेतले. त्याचेकडे पळून गेलेल्या इसमाचे नाव विचारले असता त्याने त्याचे नाव सागरसिंग जुन्नी (रा. संजय नगर झोपडपट्टी, काटवन खंडोबा, अहमदनगर) असे सांगितले. ताब्यात घेतलेल्या आरोपी आकाशसिंग यास पुढील कायदेशीर कारवाई करीता कोतवाली पोलिस ठाण्यात हजर केले आहे.

दरम्यान गुन्ह्यातील मुख्य आरोपी सागरसिंग जुन्नी याच्याकडे गुन्ह्यातील मुद्देमाल असल्याने त्याचा तात्काळ शोध घेण्याबाबत पोनि श्री. कटके यांनी आदेश देऊन पथकास लागलीच रवाना केले. पथक आरोपींची माहिती घेत असतांना पोनि अनिल कटके यांना माहिती मिळाली की, आरोपी सागरसिंग जुन्नी हा अहमदनगर येथे लग्न समारंभाकरीता आला असून काटवन खंडोबा येथील म्हसनवाटा येथे लपून बसलेला आहे. आता गेल्यास मिळून येईल अशी खात्रीशीर माहिती मिळाल्याने पोनि श्री. कटके यांनी पथकास पंचाना सोबत घेऊन संबंधित ठिकाणी जाऊन खात्री करुन कारवाई करण्याबाबत सूचना दिल्या. पथकाने वेशांतर करुन काटवन खंडोबा येथील म्हसणवाटा येथे जाऊन झाडा खाली बसलेल्या एकास शिताफीने ताब्यात घेतले. त्यास पोलीस पथकाची ओळख सांगून त्याचे नाव गांव विचारले असता त्याने त्याचे नाव सागरसिंग बलविरसिंग जुन्नी (वय २३, रा. संजय नगर झोपडपट्टी, काटवन खंडोबा, अहमदनगर) असे सांगितले. त्याच्याकडे गुन्ह्याबाबत विचारपुस करता तो समाधानकारक उत्तरे न देता उडवा उडवीची उत्तरे देऊ लागला. त्यास पोलिस टाक्या दाखविताच त्याने गुन्हा केल्याची कबुली दिली ‌ त्याची पंचा समक्ष अंगझडती घेता त्यांचे अंगझडतीमध्ये गुन्ह्यात चोरीस गेलेला ७३ हजार ५७० रुपये किंमतीचे सोन्याचे दागिने व ९७ हजार रुपये किंमतीची रोख अशी एकूण १ लाख ५७० रु.किंमतीचा मुद्देमाल मिळून आल्याने त्यास ताब्यात घेऊन कोतवाली ठाण्यात हजर केले आहे. पुढील कारवाई कोतवाली पोलिस औ करीत आहे व गुन्ह्यातील फरार आरोपींचा शोध घेत आहोत.