संग्राम सत्तेचा वृत्तसेवा
ऑनलाईन नेटवर्क
शिवसेनेचे खासदार संजय राऊत यांनी घेण्यात आलेल्या पत्रकार परिषदेचा केंद्रीयमंत्री नारायण राणे यांनी चांगलाच समाचार घेतला आहे. खा. संजय राऊत यांची नजर मुख्यमंत्री उद्धव ठाकरे यांच्या खुर्चीवर असून, खा. राऊत शिवसेनेचे नाही तर शिवसेना संपवण्यासाठी राष्ट्रवादीची सुपारी घेतली आहे, असे म्हणत नारायण राणे यांनी खा.राऊत यांचा चांगलाच समाचार घेतला आहे.
नारायण राणे काय म्हणाले ?
पत्रकार परिषदेत संजय राऊतांना घाम फुटला होता, असे ना. राणे म्हणाले आहेत. ती एक आंतरराष्ट्रीय पत्रकार परिषद होती असे म्हणत त्यांनी उपहासात्मक टीका देखील केली. संजय राऊत यांची पत्रकार परिषदेला केविलवाणी परिस्थिती झाली होती. घाम फुटला होता. ते वारंवार सांगत होते की मी कुणाला घाबरत नाही. मर्दांची शिवसेना आहे. पण मर्द माणसाला मर्द आहे हे सांगायची गरज नसते. जो घाबरतो, तोच वारंवार सांगत असतो की मी कुणाला घाबरत नाही, असेही नारायण राणे म्हणाले.
नारायण राणे म्हणाले, स्वत: शिवसेनाप्रमुख असलेल्या अविर्भावात संजय राऊत यांनी पत्रकार परिषद घेतली. राऊतांनी पत्रकार परिषदेत केलेल बेताल आरोप केले आहे. प्रविण राऊत याने ईडीला दिलेल्या मुलाखतीनंतर राऊत घाबरले आहेत. भाजपवर आरोप केले परंतु कोणेतेही पुरावे दिलेले नाही, असेही राणे म्हणाले.
