कोपरगाव गोळीबाराच्या गुन्ह्यातील ८ आरोपींना ताब्यात ; नगर एलसीबी व कोपरगाव शहर पोलीसांनी संयुक्त कारवाई
संग्राम सत्तेचा वृत्तसेवा
Online Natwork
कोपरगाव : शहरामध्ये व्यवसायाचे वाद व पूर्ववैमनस्यातून एकमेकांवर गावठी कट्टयामधून केलेल्या गोळीबाराच्या गुन्ह्यातील ८ आरोपींना ताब्यात घेण्याची कारवाई नगर एलसीबी व कोपरगाव शहर पोलीसांनी संयुक्त केली.
रामनाथ उर्फ दादा गोरख मोरे (वय ३१, रा.पिंपळवाडी रोड, शिर्डी, ता. राहाता), अमर बाळु भोसले (वय २३,रा.प्रवरानगर, लोणी, ता.राहाता), बन्सी उर्फ रवि राजेंद्र बनसोडे (वय २४, रा.बाजारतळ, शिर्डी, ता.राहाता), बाळासाहेब शिवाजी पगारे (वय २५, रा.जाधव वस्ती, शिंगवे, ता.राहाता), नाजीम इस्लाउद्दीन शेख (वय २६, रा.गांधीनगर, कोपरगाव), अझर इस्लाउद्दीन शेख (वय २४, रा.गांधीनगर, कोपरगाव), एजाज अन्सार मणियार (वय २४, रा.गांधीनगर, कोपरगाव), मोदया उर्फ सागर रामदास मंजुळे ( वय २३, रा.कोपरगाव) असे पकडण्यात आलेल्यांची नावे आहेत.
एसपी राकेश ओला, अपर पोलीस अधीक्षक वैभव कलुबर्मे, शिर्डी डिवायएसपी शिरीष वमने यांच्या मार्गदर्शनाखाली एलसीबीचे पोनि दिनेश आहेर यांच्या सूचनेनुसार सपोनि हेमंत थोरात, पोसई तुषार धाकराव, पोलीस अंमलदार अतुल लोटके, गणेश भिंगारदे, बाळासाहेब पालवे, फुरकान शेख, सोमनाथ झांबरे, अमोल कोतकर, आकाश काळे, बाळासाहेब गुंजाळ, बाळासाहेब खेडकर, शिवाजी ढाकणे, अमृत आढाव, विशाल तनपुरे, प्रमोद जाधव, प्रशांत राठोड, अर्जुन बडे, महादेव भांड, अरूण मोरे व कोपरगाव शहर पोलीस स्टेशनचे सपोनि किशोर पवार, पोसई हंडोरे, पोलीस अंमलदार गणेश काकडे, दिपक रोकडे, गणेश मैड आदींच्या टिमने ही कारवाई केली.
याबाबत समजलेली माहिती अशी की, दि.१९ ऑगस्ट २०२४ रोजी दुपारी ४.३० वाजण्याच्या सुमारास श्री. स्वामी समर्थ मंदिरासमोर, कोपरगाव (ता.कोपरगाव, जि.अहमदनगर) नाजीम इस्लाउद्दीन शेख याने तन्वीर रंगरेज व त्याचे मित्र यांच्याविरूध्द यापूर्वी कोपरगाव शहर पोलीस ठाण्याला दाखल केलेला गुन्हा मागे घेण्याचे कारणावरून रामनाथ उर्फ दादा गोरख मोरे याने नाजीम शेख याचेवर गावठी कट्टा रोखून फायर केला, परंतु कट्टयामधुन कट्ट असा आवाज आला. त्यामुळे नाजीम इस्लाउद्दीन शेख याने त्याच्याकडील कट्टयामधून तन्वीर रंगरेज याच्यावर फायर केला. याबाबत नाजीम इस्लाउद्दीन शेख यांनी दिलेल्या फिर्यादीवरून कोपरगाव शहर पोलीस ठाण्यात गुरनं 422/2024 बीएनएस कलम 191 (3), 191 (2), 190, 189 (4), 189(2), 126 (2), 109 (1) सह आर्म ॲक्ट प्रमाणे गुन्हा दाखल आहे.
वर नमूद ठिकाणी रामनाथ उर्फ दादा गोरख मोरे हे त्यांचे मित्रासह कोपरगाव येथुन राहता येथे स्वीप्ट कारने जात असताना नाजीम इस्लाउद्दीन शेख व त्याचे साथीदार इनोव्हा कार आडवी लावून पुर्वी दाखल झालेल्या गुन्हयाचे कारणावरून, तसेच व्यवसायाचे वादातुन तन्वीर रंगरेज यास शिवीगाळ करून, वाहनाचा दरवाजा उघडून नाजीम इस्लाउद्दीन शेख याने कमरेचा गावठी कट्टा काढुन तन्वीर रंगरेज याचे छातीवर व कमरेवर कट्टाने फायर केला.याबाबत रामनाथ उर्फ दादा गोरख मोरे यांनी दिलेल्या फिर्यादीवरून कोपरगाव शहर पोलीस स्टेशन गुरनं 423/2024 बीएनएस कलम 109 (1), 126 (2), 3 (5), 351 (3), 352 सह आर्म ॲक्ट प्रमाणे गुन्हा दाखल आहे.
कोपरगाव शहरामध्ये व्यवसायाचे वाद व पुर्व वैमनस्यातुन परस्पराविरूध्द गावठी कट्टयातुन झालेल्या फायरिंगची घटना घडल्यानंतर एसपी राकेश ओला यांनी एलसीबीचे पोनि दिनेश आहेर व कोपरगाव शहर पोलिस ठाण्याचे पोनि भगवान मथुरे यांना फायरिंगच्या गुन्ह्यातील आरोपींचा शोध घेऊन गुन्हा उघडकिस आणण्याबाबत आदेशित केले होते. त्यानुसार पथक नेमून गुन्ह्याचा आरोपी यांचा शोध घेण्याबाबत आवश्यक सूचना देऊन पथकास रवाना केले. पोलिस पथकाने तांत्रीक विश्लेषण व गुन्ह्यातील आरोपीची माहिती काढून, आरोपी फरार होण्याच्या तयारीत असताना कोपरगाव व नाशिक शहरामधून ताब्यात घेतले. ताब्यात घेण्यात आलेल्यांना पोलीस पथकाची ओळख सांगुन त्यांचे नाव गांव विचारले असता त्यांनी त्यांची नावे सांगितले.
ताब्यातील आरोपींना गुन्ह्याचे तपासकामी कोपरगाव शहर पोलीस ठाणे येथे हजर करण्यात आले. पुढील तपास कोपरगाव शहर पोलीस करीत आहे.
ताब्यातील आरोपी हे रेकॉर्डवरील गुन्हेगार असून आरोपीपैकी रामनाथ उर्फ दादा गोरख मोरे याच्यावर १३ गुन्हे, अमर बाळु भोसले याचेवर ८गुन्हे, बन्सी उर्फ रवि राजेंद्र बनसोडे याचेवर ७ गुन्हे व नाजीम इस्लाउद्दीन शेख याचेवर ४ असे गुन्हे यापूर्वी दाखल आहेत.
