संग्राम सत्तेचा वृत्तसेवा
Online Natwork
पाथर्डी – तालुक्यातील हनुमान टाकळी येथील नानीनदी पात्रात जेसीबीने अवैध वाळू उपसा करून वाहतूक करणाऱ्यावर विरुध्द ‘अहमदनगर एलसीबी टिम’ने कारवाई केली. या कारवाईत २० लाख ५ हजार रु.किं.चा मुद्देमाल जप्त करण्यात आला आहे.
एसपी राकेश ओला यांच्यासह वरिष्ठ पोलीस अधिकाऱ्यांच्या मार्गदर्शनाखाली एलसीबीचे पोनि.अनिल कटके यांच्या सूचनेनुसार एलसीबीचे पोसई सोपान गोरे, सफौ मनोजर शेजवळ, पोहेकॅ दत्तात्रय हिंगडे, पोहेकॉ संदीप पवार, संदीप घोडके, पोना शंकर चौधरी, पोकॉ विनोद मासाळकर व चापोहेकॉ संभाजी कोतकर आदिंच्या पथकाने ही कारवाई केली आहे.
याबाबत समजलेली माहिती अशी की, एसपी राकेश ओला यांनी पोनि अनिल कटके यांना जिल्ह्यातील अवैध वाळू उपसा व वाहतुकीविरुध्द विशेष मोहिम करुन कारवाई करा आदेश दिले होते.
या आदेशानुसार एलसीबी टिम’ने पाथर्डी तालुक्यात अवैध वाळू उपसा करून वाहतूक करणाऱ्यावर कारवाईसाठी पेट्रोलिंग करत असतांना पोनि अनिल कटके यांना माहिती मिळाली की, बंडु बर्डे हा जेसीबीच्या सहाय्याने हनुमान टाकळी गावातील नानीनदी पात्रात जेसीबीने अवैध वाळू उपसा करुन वाळू ट्रॅक्टरमध्ये भरुन वाहतूक करत आहे,ही माहिती पोनि श्री कटके यांनी एलसीबी टिम’ला सांगून पंचांसोबत घेऊन खात्री करुन कारवाई करण्याच्या सूचना दिल्या. एलसीबी टिम’ने पंचांसह हनुमान टाकळी, (ता. पाथर्डी) येथील नानीनदीपात्राजवळ जाऊन आडोशाला थांबले, खात्री केली तीनजण जेसीबीच्या सहाय्याने वाळू काढून ट्रॅक्टरमध्ये भरतांना दिसले. पथकाची खात्री होताच अचानक छापा टाकून तेथील जेसीबी चालक, ट्रॅक्टर चालक व मालक यांना ताब्यात घेतले. पोलीसांची ओळख सांगून त्यांच्याकडे वाळू वाहतुकीचे परवान्याबाबत चौकशी केली असता, त्यांनी त्यांच्याकडे शासनाचा वाळू उपसा करून वाहतुकीचा कोणताही परवाना नसल्याचे सांगितले. त्यामुळे पथकाने त्यांना ताब्यात घेतले. ताब्यात घेतलेल्यांना त्यांचे नाव गांव विचारले असता त्यांनी बंडु शिवाजी बर्डे (वय ३६, रा. हनुमान टाकळी, ता. पाथर्डी), अक्षय दत्तात्रय मरकड (वय २०, रा. निवडुंगे, ता. पाथर्डी), दिलीप शिवाजी वांढेकर (वय ३२, रा.जोडमोहोज, ता. पाथर्डी) असे असल्याचे सांगितले. ताब्यात घेतलेल्या आरोपींनी संगनमताने अवैधरित्या हनुमान टाकळी (ता. पाथर्डी) येथील नानीनदी पात्रातून जेसीबीने शासनाचा कोणत्याही प्रकारचा परवाना न घेता किंवा रॉयल्टी न भरता शासकीय मालकीची वाळू अवैध उपसा व चोरी करुन पर्यावरणाचे नुकसान होईल, असे कृत्य केल्याने सर्वांना ताब्यात घेऊन जेसीबी, एक ट्रॅक्टर व एक ब्रास वाळूसह ताब्यात घेऊन त्यांच्याविरुध्द पोकॉ विनोद मासाळकर यांच्या फिर्यादीवरुन पाथर्डी पोलीस ठाण्यात गु.र.नं. १०८९/२०२२ भादविक ३७९,३४ सह पर्यावरण कायदा कलम ३,१५ प्रमाणे गुन्हा दाखल करण्यात आलेला आहे. पुढील तपास पाथर्डी पोलीस करीत आहे.
एमआयडीसीतील चोरटे पकडण्यात एलसीबी टिम’ला यश
Online Natwork
अहमदनगर – एमआयडीसी येथे एकाच रात्री दोन ठिकाणी चोरी करणा-या सराईत आरोपींची आतंरजिल्हा टोळी पकडण्यात अहमदनगर एलसीबी टिम’ला यश आले आहे. या कारवाईत ६ लाख ३६ हजार ६४३ रु.किंचे सोलार मोटारपंप युनिट व टेम्पो पोलिसांनी ताब्यात घेतला.
एसपी राकेश ओला यांच्यासह वरिष्ठ पोलीस अधिकाऱ्यांच्या मार्गदर्शनाखाली एलसीबीचे पोनि अनिल कटके यांच्या सूचनेनुसार पोसईसोपान गोरे, सफौ मनोहर शेजवळ, पोहेकॉ संदीप पवार, बापुसाहेब फोलाणे, दत्तात्रय हिंगडे, संदीप घोडके, देवेंद्र शेलार, फकिर शेख, पोना शंकर चौधरी, भिमराज खर्से, लक्ष्मण खोकले, दिपक शिंदे, पोकॉ योगेश सातपुते, मच्छिंद्र बर्डे, मेघराज कोल्हे, विनोद मासाळकर, मयुर गायकवाड, चापोहेकॉ संभाजी कोतकर, अर्जुन बडे आदिंच्या पथकाने ही कारवाई केली आहे.
याबाबत समजलेली माहिती अशी की,एमआयडीसी पोलीस ठाण्यात 1) गु.र.नं. ८५९/२०२२ भादविक ३७९ व गु.र.नं. ८६९/२०२२ भादविक ३७९ प्रमाणे चोरीचे दोन वेगवेगळे गुन्हे दाखल होते.
या घटनेचे गांभीर्य लक्षात घेऊन एसपी राकेश ओला यांनी एलसीबी पोनि श्री. कटके यांना दोन्ही गुन्हे उघडकीस आणण्याचे आदेश दिले.आदेशानुसार पोनि श्री. कटके यांनी एलसीबी टिम तयार करून तपासासाठी रवाना केली.
अहमदनगर शहर व एमआयडीसी परिसरात एलसीबी टिम’ने पेट्रोलिंग करुन आरोपींची माहिती घेत असतांना पोनि श्री. कटके यांना माहिती मिळाली की, शुभम खोत हा साथीदारासह एका चोरीच्या टेम्पोमध्ये एमआयडीसी येथील गोडावूनमधून चोरलेला माल भरुन नगर-औरंगाबाद रोडने जात आहे, अशी माहिती मिळाली. ही माहिती पोनि श्री. कटके यांनी एलसीबी टिम’ला सांगितली. खात्री करुन कारवाई करण्याच्या सूचना दिल्या. बाबत आदेश दिले. एलसीबी टिम’ वाहनातून नगर-औरंगाबाद रोडने जात असतांना जेऊरगांवचे शिवारात माहितीप्रमाणे टेम्पोमध्ये मागील बाजुस काही वस्तू झाकून व एक दुचाकी घेऊन जातांना दिसला. टेम्पोस ओव्हरटेक करुन गाडी आडवी लावून थांबविले असता टेम्पोमध्ये बसलेले तीनजण एलसीबी टिम’ला पाहुन पळून जाऊ लागले. त्यांचा मोठ्या शिताफीने पाठलाग करुन त्यांना ताब्यात घेतले. पोलीस पथकाची ओळख सांगून त्यांना त्यांचे नाव गांव विचारले शुभम महादेव खोत (वय २५, रा. टाकळी अंबड, ता. पैठण, जि. औरंगाबाद, हल्ली रा. राज हॉटेल, वनराई कॉलनी, एमआयडीसी, अहमदनगर), अक्षय बंडु कु-हाडे (वय २४, रा. टाकळी अंबड, ता. पैठण, जि. औरंगाबाद, हल्ली रा. वैदुवाडी, भिस्तबाग, सावेडी, अहमदनगर), राहुल भाऊसाहेब नेटके, (वय २०, रा. देवगाव, ता. नेवासा, हल्ली रा. मनोरमा कॉलनी, नागापुर, एमआयडीसी अहमदनगर) असे असल्याचे सांगितले. त्यांच्याकडे टेम्पो व त्यामधील मालाबाबत विचारपुस करता त्यांनी सुरुवातीस उडवाउडवीची उत्तरे देवू लागले. त्यामुळे पोनि श्री. कटके यांचा संशय बळावल्याने त्यांनी ताब्यातील संशयीतांना अधिक विश्वासात घेऊन सखोल व बारकाईने तपास करता त्यांनी एमआयडीसी येथून टेम्पो चोरी केला आहे. त्यामध्ये एमआयडीसी येथील गोडावूनमधून चोरी केलेल्या मोटार कंट्रोलर व केबल घेऊन जात आहे, अशी कबुली दिली.
ताब्यातील आरोपींनी दिलेल्या कबुलीचे अनुषंगाने एमआयडीसी पोलीस ठाण्यात गुन्हे अभिलेख पडताळणी करुन खात्री केली त्याप्रमाणे दाखल दोन्ही गुन्हे उघडकिस आले.
ताब्यातील तिन्ही आरोपींना ६ लाख ३६ हजार ६४३ रु. किंमतीचा सोलार मोटार पंप युनिट त्यामध्ये कंट्रोलर, केबल बंडल व एक मालवाहू टेम्पो जप्त करुन मुद्देमालासह एमआयडीसी पोलीस ठाण्यात हजर केले आहे. पुढील कारवाई एमआयडीसी पोलीस करीत आहे.
