इमामपुर घाटात हत्यारासह दोघे एमआयडीसी पोलिसांनी पकडले

संग्राम सत्तेचा वृत्तसेवा
ऑनलाईन नेटवर्क
अहमदनगर- इमामपुर घाटामध्ये रात्रीचे वेळी फिरताना दोघाजणांना  हत्यारासह पकडण्यात एमआयडीसी पोलिसांना यश आले आहे. भिमा अभिमान गिरे (वय 28), ज्ञानेश्वर छगन गिरे (वय 32, दोघे राह राघुहिरवे ता पाथडी जि अहमदनगर ) अशी पकडण्यात असलेल्यांची नावे आहेत.
जिल्हा पोलीस अधिक्षक मनोज पाटील , अपर पोलीस अधिक्षक  सौरभकुमार अग्रवाल, नगर ग्रामीण उपविभागिय पोलीस अधिकारी  अजित पाटील यांचे मार्गदर्शनाखाली एमआयडीसीचे सपोनि युवराज आठरे यांच्या सूचनेनुसार  पोसई विनोद जाधोर, पोहेकाॅ रमेश थोरवे, पोहेकाॅ महमंद शेख, पोना दिपक गांगर्डे, पोना गणेश कावरे, पोकाॅ संदिप आव्हाड आदिंच्या पथकाने ही कारवाई केली आहे.
याबाबत समजलेले माहिती अशी की, दि.10 ऑक्टोबर  2021 रात्रीच्या सुमारास एमआयडीसी पोलीस ठाण्याचे सपोनि युवराज आठरे यांना खब-यामार्फत बातमी मिळाली.  इमामपुर घाटात दोनजण दुचाकीवर हत्यारासह लोकांना लुटण्याचा तयारीनिशी बसलेले आहेत. या माहितीनुसार सपोनि श्री आठरे यांनी तातडीने त्याच्या पथकाला माहिती ठिकाणी जाण्याच्या सूचना दिल्या. पोलिस पथक तेथे तात्काळ जाऊन  दोनजणांना  जागीच पंचासमक्ष त्यांचे हातातील तलवारीसह जागीच पकडले. त्यांचेकडे पोलिसांनी अधिक चौकशी केली असता त्यांनी  भिमा अभिमान गिरे, ज्ञानेश्वर छगन गिरे ( दोघे राह राघुहिरवे ता पाथडी जि अहमदनगर) असे असल्याचे सांगितले.  त्या दोघांना  तात्काळ पोलीस ठाण्यात आणून त्यांचे विरुध्द पोना  गणेश पांडुरंग कावरे यांचे फिर्यादीवरुन गुन्हा रजि नं 677/2021 आर्म अॅक्ट 4/25 अन्वये गुन्हा दाखल करण्यात आला आहे.