👉सुगंधी तंबाखू, सुपारी पकडली, २ लाख ४६ हजार २५० रुपये किंमतीचा मुद्देमाल जप्त
Online Natwork
पाथर्डी: तालुक्यातील खरवंडीकासार येथून महाराष्ट्र राज्यात विक्रीस प्रतिबंधीत असलेली २ लाख ४६ हजार २५० रुपये किंमतीची सुगंधी तंबाखू, सुपारी, दोन इलेक्ट्रिक मशिन व साधने जप्त करण्याची कारवाई अहमदनगर एलसीबी टिम’ने केली आहे.
वरिष्ठ पोलिस अधिकाऱ्यांच्या आदेशानुसार एलसीबी पोनि दिनेश आहेर यांनी दिलेल्या सूचनेनुसार एलसीबीचे पोहेकॉ दत्तात्रय गव्हाणे, पोना रविंद्र कर्डीले, विशाल गवांदे व पोकाॅ शिवाजी ढाकणे यांच्या टिम’ने ही कारवाई केली.
याबाबत समजलेली माहिती अशी की, एलसीबीचे पोनि दिनेश आहेर यांना खरवंडी कासार (ता. पाथर्डी) येथे दत्तात्रय अंदुरे हा स्वतःचे घरामध्ये महाराष्ट्र राज्यात विक्रीस प्रतिबंधीत असलेला मावा मशिनव्दारे तयार करुन त्याची चोरुन विक्री करीत आहे. आता गेल्यास मिळून येईल, अशी खात्रीशीर माहिती मिळाली. ही माहिती पोनि श्री. आहेर यांनी एलसीबी टिम’ला सांगून पंचाना सोबत घेऊन खात्री करुन कारवाई करण्याबाबत सूचना दिल्या. सुचनेप्रमाणे एलसीबी टिम’ने खरवंडीकासार येथे जाऊन खात्री केली असता एकजण सुगंधी तंबाखू व सुपारीचा चुरा याचे मिश्रण करुन मशिनद्वारे मावा तयार करताना दिसला. पथकाची खात्री होताच अचानक छापा टाकून एकास ताब्यात घेतले. त्यास त्याचे नाव विचारले असता, दत्तात्रय मथाजी अंदुरे (वय ३९, रा. खरवंडी कासार, ता. पाथर्डी) असे सांगितले. त्याचे कब्जातून मावा तयार करण्यासाठी आवश्यक असलेली सुगंधी तंबाखू, सुपारीचा चुरा व दोन इलेक्ट्रीक मशिन असा एकूण २४ हजार ६ हजार २५० रुपये किंमतीचा मुद्देमाल जप्त करण्यात आला, या एलसीबीचे पोकाॅ शिवाजी अशोक ढाकणे यांच्या फिर्यादीवरुन पाथर्डी पोलीस ठाण्यात गु.र.नं. ४८० / २०२३ भादविक ३२८, १८८, २७२, २७३ प्रमाणे गुन्हा दाखल करण्यात आला आहे.
अ.नगर एलसीबी :सोनसाखळी, मोबाईल चोरणार अल्पवयीन मुलास पकडले
Nagar Reporter
पाथर्डी : तालुक्यातील निपाणीजळगांव येथे घराबाहेर झोपलेल्या वृध्द महिलेच्या गळ्यातील सोनसाखळी व मोबाईल चोरी करणारा अल्पवयीन मुलास पकडले. त्याच्याकडून ३१ हजार रुपये किंमतीचे मुद्देमाल जप्त करण्याची कारवाई अहमदनगर एलसीबी टिम’ने केली आहे.
वरिष्ठ पोलिस अधिकाऱ्यांच्या आदेशानुसार एलसीबी पोनि दिनेश आहेर यांच्या सूचनेनुसार पोसई तुषार धाकराव, पोहेकॉ देवेंद्र शेलार, पोना रविंद्र कर्डीले, पोकाॅ सागर ससाणे, रोहित येमुल, जालिंदर माने, मेघराज कोल्हे, किशोर शिरसाठ व चापोहेकॉ बबन बेरड आदिंच्या टिम’ने ही कारवाई केली आहे.
याबाबत समजलेली माहिती अशी की, दि.५ मे २०२३ रोजी रात्री घरासमोरील ओट्यावर झोपलेल्या असताना त्यांचे गळ्यातील सोनसाखळी व उशाजवळ ठेवलेला मोबाईल फोन असा एकूण ३१ हजार रुपये किंमतीचा मुद्देमाल अनोळखी इसमाने चोरी करुन नेला होता, या कमलाबाई शंकर बळीद ( रा. निपाणी जळगांव, ता. पाथर्डी) यांच्या फिर्यादीवरून पाथर्डी पोलिस ठाण्यात गु.र.नं. ४५९ / २०२३ भादविक ३७९ प्रमाणे चोरीचा गुन्हा दाखल करण्यात आला होता.
एलसीबी पोनि दिनेश आहेर यांना मिळालेल्या माहितीनुसार एलसीबी टिम’ने अल्पवयीन मुलाच्या घरी जाऊन त्यांच्या वडीलांना पोलीस व पंचाची ओळख सांगून वडीलांसमक्ष अल्पवयीन मुलास विश्वासात घेऊन गुन्ह्याबाबत विचारपुस करता त्याने त्याचा साथीदार आरोपी प्रमोद बोरडे (रा. निपाणी जळगांव, ता. पाथर्डी) याच्यासोबत गुन्हा केल्याची कबुली दिली. गुन्ह्यात चोरी गेलेली ३२ हजार रुपये किंमतीची सोनसाखळी व मोबाईल फोन काढून दिल्याने तो जप्त केला आहे. त्याचा साथीदार प्रमोद बोरडे याच्या राहत्या घरी जाऊन शोध घेतला. परंतु तो मिळून आला नाही. ताब्यात घेतलेल्या अल्पवयीन मुलास पाथर्डी पोलीस ठाण्यात समक्ष हजर केला आहे. पुढील तपास पाथर्डी पोलीस करीत आहे.
