अहमदनगर क्राईम बुलेटिन

संग्राम सत्तेचा वृत्तसेवा
Online Natwork
एमआयडीसी पोलिस ठाणे : दुचाकी चोरी करणा-या आरोपीस पकडले

श्रीरामपूर पोलिस ठाणे : जुगार अड्यावर छापा, ३ लाख २८ हजार ८० रु.चा मुद्देमाल जप्त
Nagar Reporter
अहमदनगर – अवैध धंद्यावर जुगार अड्यावर छापा टाकून, या छाप्यात ३ लाख २८ हजार ८० रु.चा मुद्देमाल जप्त करण्याची कारवाई श्रीरामपूर शहर पोलीसांनी केली आहे.
एसपी राकेश ओला, श्रीरामपूर अपर पोलीस अधीक्षक स्वाती भोर, श्रीरामपूर डिवायएसपी संदिप मिटके यांच्या मार्गदर्शनाखाली श्रीरामपूर शहर पोलीस ठाण्याचे पोनि हर्षवर्धन गवळी यांच्या सूचनेनुसार सपोनि जिवन बोरसे, पोना साईनाथ राशिनकर, पोना रघुवीर कारखेल, पोकॉ. राहुल नरवडे, पोकॉ. गौतम लगड, पोकॉ. रमिझराजा अत्तार, पोकॉ. गणेश गावडे, पोकॉ. मच्छिंद्र कातखडे, पोकॉ. गौरव दुर्गुळे, पोकॉ. संभाजी खरात, पोना फुरकान शेख, पोकॉ प्रमोद जाधव, पोकॉ आकाश बहीरट (अप्पर पोलीस अधिक्षक कार्यालय श्रीरामपूर) आदिंच्या टिम’ने ही कारवाई केली. अधिक पुढील तपास हा पोना रघुवीर कारखेले हे करीत आहेत.
याबाबत समजलेली माहिती अशी की, दि. १७ मार्च २०२३ रोजी ४ वाजण्याच्या सुमारास पोनि हर्षवर्धन गवळी यांना माहिती मिळाली. त्यानुसार खंडाळा गावात पाटाच्याकडेला पत्र्याच्या शेडच्या आडोशाला पत्त्यावर पैसे लावून तिरट नावाचा हार जितीचा जुगार खेळत असलेल्या ठिकाणी श्रीरामपूर पोलिसांनी छापा टाकला. या छाप्यात जमीर समसुद्दीन शेख (वय ४१,, रा. खंडाळा ता.श्रीरामपूर), अशोक योशेफ विघावे (वय ४९, रा. ता. श्रीरामपूर), धंनजय अशोक जाधव, वय ३८, रा. टिळकनगर, ता. श्रीरामपूर), सुरेश शाम त्रिभुवन (वय ५९, रा. राजुरी ता. राहाता जि. अहमदनगर), विठ्ठल यादव ढोकचौळे (वय ५४, रा. खंडाळा ता श्रीरामपूर), सतिश किशोर धिवर (वय३६, रा. अचानकनगर ता. श्रीरामपूर), राजु सिताराम पगारे (वय ३०, रा. खंडाळा ता. श्रीरामपूर), कृष्णा संजय खरात (वय २५, रा. खंडाळा ता. श्रीरामपूर) हे गोलाकार बसून तिरट नावाचा हारजितीचा जुगार खेळत होते. जुगाराची साधने व रोख रक्कम तसेच ५ दुचाकीसह एकूण मुद्देमाल रु ३ लाख २८ हजार ८० सह मिळून आले. सर्वांना मुद्देमालासह ताब्यात घेऊन त्याच्याविरुध्द महाराष्ट्र जुगार कायदा कलम 12 (अ) प्रमाणे गुन्हा दाखल करण्यात आला आहे.

भिंगार कॅम्प पोलिस ठाणे : नागरदेवळे येथे जुगार अड्ड्यावर छापा
Nagar Reporter
अहमदनगर – नगर शहराजवळ असलेल्या नागरदेवळे येथे एका हॉटेलच्या पाठीमागील बाजूस झाडाखाली सुरु असलेल्या जुगार अड्डयावर भिंगार कॅम्प पोलिसांनी भिंगार कॅम्प पोलिस ठाण्याचे सपोनि दिनकर मुंडे यांच्या पथकाने छापा टाकला. छाप्यात ३ आरोपींना ताब्यात घेऊन त्यांच्यावर भिंगार कॅम्प पोलिसात गुन्हा दाखल केला आहे . शुक्रवारी (दि.१७) सायंकाळी ५ च्या सुमारास ही कारवाई करण्यात आली.
एसपी राकेश ओला, अप्पर पोलीस अधीक्षक प्रशांत खैरे, नगर शहर डिवायएसपी अनिल कातकाडे, अहमदनगर एलसीबी पोनि अनिल कटके यांच्या मार्गदर्शनाखाली भिंगार कॅम्प पोलिस ठाण्याचे प्रभारी अधिकारी सपोनि दिनकर मुंडे, पोहेकॉ अजय नगरे, पोहेकॉ दिवटे, पोना राहुल द्वारके, पोकॉ अमोल आव्हाड, पोकॉ सागर तावरे आदिंच्या टिमने ही कारवाई केली.
याबाबत समजलेली माहिती अशी की,भिंगार कॅम्प पोलिस ठाण्याचे सपोनि दिनकर मुंडे यांना नागरदेवळे गावातील प्रितम हॉटेल पाठीमागील बाजूस झाडाखाली जुगार अड्डा सुरु आहे, अशी माहिती मिळाली होती. या माहितीच्या आधारे त्यांनी एक पथक कारवाईसाठी पाठविले. या पथकाने तेथे जाऊन छापा टाकला असता तेथे काहीजण तिरट नावाचा जुगार खेळताना आढळले. पोलिसांनी त्यांना ताब्यात घेत त्यांच्याकडून रोख रक्कम, मोबाईलव जुगाराचे साहित्य जप्त केले. या प्रकरणी पोकॉ. सागर तावरे यांनी दिलेल्या फिर्यादीवरून वैभव देविदास हराळे (वय १९ रा. हरळे मळा नागरदेवळे ता. जि. नगर), संतोष बाळासाहेब पानसरे (वय ४० रा. बुऱ्हानगर), स्वप्निल अशोक शेलार (नागरदेवळे) या ३ जणांविरुद्ध गुन्हा दाखल करण्यात आला आहे . भिंगार कॅम्प पोलिसांच्या कारवाईत १२ हजार ५७५ रुपयांचा मुद्देमाल जप्त करण्यात आला आहे.