अहमदनगर क्राईम बुलेटिन

संग्राम सत्तेचा वृत्तसेवा
Online Natwork

अहमदनगर एलसीबी टिम’ची कामगिरी : खर्डात वेशांतर करून पाठलाग करीत लुटमारी करणारी टोळी पकडली
Nagar Reporter
जामखेड : तालुक्यातील खर्डा येथे आडत व्यापा-यास हत्याराचा धाक दाखवून रस्त्यात आडवून लुटमारी टोळी पकडली आहे. या टोळीकडून ७ लाख १० हजार रुपये हस्तगत करण्याची महत्त्वापूर्ण कामगिरी अहमदनगर एलसीबी टिम’ने केली आहे.
नाशिक आयजी डॉ. बी. जी. शेखर पाटील, एसपी राकेश ओला, अपर पोलीस अधीक्षक प्रशांत खैरे, कर्जत डिवायएसपी‌ आण्णासाहेब जाधव यांच्या मार्गदर्शनाखाली अहमदनगर एलसीबीचे पोनि अनिल कटके यांच्या सूचनेनुसार पोसई सोपान गोरे, पोसई. मनोहर शेजवळ, पोहेकॉ. सुनिल चव्हाण, बापू फोलाणे, दत्तात्रय हिंगडे, विश्वास बेरड, दत्तात्रय गव्हाणे, मनोहर गोसावी, संदीप पवार, संदीप घोडके, पोना. शंकर चौधरी, भिमराज खर्से, ज्ञानेश्वर शिंदे, दिलीप शिंदे, पोकॉ. विनोद मासाळकर, मेघराज कोल्हे, चापोहेकॉ. उमाकांत गावडे, चंद्रकांत कुसळकर, चा.पोना. भरत बुधवंत आदिंच्या टिमने ही कामगिरी केली आहे.
याबाबत समजलेली माहिती अशी की, गावातील व परिसरातील शेतक-यांकडून भुसार मालाची खरेदी करुन त्याची बार्शी (जि. सोलापूर) येथे विक्री करण्याचा व्यवसाय आहे. दि.१५ फेब्रुवारी २०२३ ला सायंकाळी ७ वाजण्याच्या सुमारास दुकानाचा हमाल गणेश कांबळे (रा. सोनेगांव) असे दोघे बार्शी (जि. सोलापूर) येथून भुसार मालाची विक्री करुन १० लाख रुपये त्यांच्या स्वत:च्या दुचाकीवरुन घेऊन गावी येत होतो. या दरम्यान लोहकरेवस्ती धनेगांव शिवार (ता. जामखेड) येथे दोन अनोळखींनी त्यांच्याकडील विना नंबरची प्लॅटिना दुचाकी या गाडीवरुन अंगावर बुरखे घालून येऊन पाठीमागून बांबूच्या दांडक्याने मारहाण केली. तसेच दुचाकी चालक गणेश कांबळे याला रोडच्या दुसरे बाजूस ढकलून देऊन दोघांनी दांडक्याने मारहाण करुन हातामधील पिशवी ओढली. परंतु ती न निघाल्याने त्यांचे हातातील लोखंडी कोयत्याचे उलटे बाजूने डोक्यात मारुन जखमी करुन १० लाख रुपये बळजबरीने चोरुन नेले, या यातील दत्तात्रय कुंडलीक बिरंगळ ( रा. सोनेगांव ता. जामखेड, जि. अहमदनगर) यांच्या फिर्यादीवरून
जामखेड तालुक्यातील खर्डा पोलिस ठाण्यात गुरनं ४४/२०२३ भादविक. ३९४,३४ प्रमाणे जबरी चोरीचा गुन्हा दाखल करण्यात आला होता.
या गंभीर घटनेची वरिष्ठ पोलीस अधिकाऱ्यांनी दखल घेत अहमदनगर एलसीबी टिम’ची तयार करून तपासाच्या सूचना दिल्या होत्या. त्याप्रमाणे एलसीबी टिम’ने तपास करुन गुन्ह्याचा समांतर तपास एलसीबी टिम’ प्रमुख पोसई सोपान गोरे यांनी दिलेल्या सुचनेनुसार‌ तपासी एलसीबी टिम’ने खर्डा इंग्लिश स्कूल, खर्डा समोरील रोडवर वेशांतर करुन सापळा लावला. या दरम्यान भूमकडून येणारे रोडने माहितीनुसार दुचाकीवर तीनजण येताना दिसले. त्यांची खात्री होताच त्यांनी दुचाकी आडवण्याचा प्रयत्न केला. परंतु ते पळून जाण्याचा प्रयत्न करीत असतांनाच एलसीबी टिम’ने त्याचा पाठलाग करुन पकडण्यात आले. यावेळी त्यांना त्यांचे नांव पत्ते विचारले असता त्यांनी त्यांची नांवे तुषार उर्फ सोन्या दिपक आल्हाट ( वय १९ रा. सोनेगांव ता. जामखेड), पृथ्वीराज उर्फ बबलु बाळासाहेब चव्हाण (वय २०), गणेश सुभाष कांबळे (वय १९) असे असल्याचे सांगितले. त्यांचेकडे चौकशी करता त्यांनी प्रथम उडवाउडवीची उत्तरे दिली. त्यांना अधिक विश्वासात घेऊन व परिस्थितीजन्य पुराव्याची जाणीव करुन दिली. त्यांनी गुन्हयाची कबूली देऊन त्यांच्याकडून गुन्ह्यातील चोरीस गेलेले रकमेपैकी ७ लाख १० हजार रोख रक्कम व त्यांनी गुन्ह्यात वापरलेली दुचाकी जप्त केली. पुढील तपास खर्डा पोलीस करीत आहे.

कोतवाली ठाणे कारवाई : ३४ ठिकाणी चोऱ्या करणाऱ्या चोरट्यांना पकडले

एमआयडीसी ठाणे कारवाई : कंपनीमध्ये चोरी करणारे दोघे चोरटे पकडले

Nagar Reporter
अहमदनगर – स्पेशालीटी एंटरप्रायजेस लिमीटेड कंपनीमध्ये चोरी करणारे दोघे चोरटे पकडले. चोरट्यांकडून ६ लाख ५७ हजार २२५ रु किमतीचा मुददेमाल जप्त करण्याची कारवाई एमआयडीसी पोलीसांना केली आहे. सचिन ठकाराम भगत (वय ३६ बर्षे रा. सुपा ता. पारनेर), पवन शंकर जगताप, (वय ३४, रा. शेंडी बायपास रोड मोहिनीनगर, नवनागापुर ता. जि. अहमदनगर) अशी पकडण्यात आलेल्यांची नावे आहेत.
एसपी राकेश ओला, अपर पोलीस अधीक्षक
प्रशांत खरे, नगर ग्रामीण डिवायएसपी अजित पाटील यांच्या मार्गदर्शनाखाली एमआयडीसी पोलिस ठाण्याचे सपोनि राजेंद्र सानप यांच्या सूचनेनुसार स.फौ. रावसाहेब लोखंडे, चापोहको संदिप खेंगट, पोना मच्छिंद्र पांढरकर, पोना, चांगदेव आंधळे, पोका किशोर जाधव, पोकों सचिन हरदास आदिंच्या टिम’ने ही कारवाई केली.